Umaarufu wa rununu ambazo zinaweza kukunjika na kukunjuka zimerudi kwa kasi katika miaka ya karibuni na hii ikiwa imechagizwa na ukuaji mkubwa wa teknolojia hivyo kusababisha makampuni kama Samsung kuuza simu nyingi zilizo katika muundo wa kukunjika/kukunjuka.
Mwaka 2021, umekuwa wa mafanikio makubwa kwa Samsung hususani suala zima la mauzo ya simu janja ambazo ni za kukunjika na kukunjuka ambapo wengi wetu tumeshasoma habari mbalimbali zinazohusu simu janja za muundo huo. Si Samsung tu bali hata Oppo, Xiaomi, Motorola wana simu janja za muundo wa kukunjia na kukunjuka.
Mauzo ya simu janja za Samsung ambazo zinakunjika na kukunjuka yameonekana kuongezeka kwa 300% mwaka jana ukilinganisha na mwaka 2020. Kwa mujibu wa Rais wa Samsung Mobile, Bw. TM Roh amekiri soko la simu hizo linakua polepole lakini kwa hakika linazidi kuimarika.
Mwaka 2021, Samsung zinazokunjika na kukunjuka ziliuzwa takribani milioni 7.1 duniani kote na asilimia 70 ya mauzo hayo yakitokana na rununu Z Flip3.
Samsung Z Flip3-Simu janja ambayo iliuzika zaidi kwa mwaka 2021 kutoka familia ya simu zinazokunjika/kukunjuka.
Kwa upande mwingine, chaguo la wengi lilionekana kuwa ni Z Fold3 huku sababu ikielezwa ni kutokana na kwamba simu janja hiyo ina kioo kipana ambacho kinawezesha wale wapenzi wa kufanya vitu viwili kwa wakati mmoja kuifurahia simu hiyo vilivyo.
Hayo yalikuwa ni ya mwaka jana na toleo jingine la simu janja za Samsung zinazokunjika zitazamiwa kutoka Agosti 10 mwaka huu. Je, zitakuaje? Tukusihi uendelee kutufuatilia hakika utafahamu.
Wezesha bando kwa kutuma kiasi chochote kupitia Selcom, kwenye simu yako bofya *150*50*1# kwenye namba ya malipo weka 60751369 jina litakuja TEKNOKONA.
Ni Mhariri Msaidizi na mtaalamu wa mambo yanayohusu kompyuta. Pia ni mmoja wa wafuasi wakubwa katika teknolojia; Dunia ya sasa inaendeshwa kwa teknolojia.
Wasiliana nami kupitia |ericmato@teknokona.com|
No Comment! Be the first one.