Tarehe ya uzinduzi wa simu janja OnePlus Nord 2 5G yafahamika!

Karibu mwaka mmoja sasa tangu toleo la kwanza litoke na sasa ndugu yake na yule mtangulizi yupo njiani kutoka na kwa kwenda mbali zaidi tarehe rasmi ya uzinduzi wa simu janja OnePlus Nord 2 5G imewekwa wazi.

Kama kawaida toleo fulani la simu janja likitaka kutoka kunakuwepo na habari za chini kwa chini zikihusisha rununu husika ambayo itatoka katika wiki, miezi michache ijayo. Mpaka sasa ambacho kimethibishwa na waliotengeneza OnePlus Nord 2 5G ni kipuri mama-Mediatek Dimensity 1200.

Mbali na hilo mengineyo ambayo yanaelezwa na vyanzo mbalimbali ni urefu/ubora wa kioo cha kwenye simu janja yenyewe. Inaaminka kuwa simu hiyo kioo chake kina urefu wa inchi 6.53, ung’avu wa hali ya juu kwa 90Hz.

Kitu kingine kuhusu simu hii ambacho taarifa zake kwa sasa si rasmi ni kuhusiana na uwezo wa betri ambapo hapa inaelezwa kuwa na 4500mAh. Halikadhalika, simu husika ina teknolojia ya kuchaji haraka.

Julai 22 ya mwaka huu ndio watu wote duniani tutaweza kufahamu kinagaubaga sifa za simu janja hii ambayo kwa kweli imezungumziwa na waandishi wengi. TeknoKona hatuweza kukuacha wewe msomaji wetu usihabarike. Kaa nasi!

Vyanzo: GSMArena, mitandao mbalimbali