Google Drive mbioni kuwa na ukomo wa kuhifadhi vitu kutoka WhatsApp

Google Drive ni kiungo muhimu ambacho kinawezesha kuhifadhi vitu vyetu (vikiwemo vile kutoka kwenye WhatsApp) mbalimbali kwa njia ya mtandao na kuweza kuvikia muda wowote na mahali popote pale.

Kwa wale ambao tumekuwa tunapenda vitu vyetu kutoka kwenye WhatsApp kwenda Google Drive naamini kabisa utakuwa umechagua ni kila baada ya muda gani ukipita shughuli hiyo ifanyike; inaweza kuwa ni pale tu unapobonyeza “Backup”/kila siku, wiki, mara moja kwa mwezi au usitake kabisa zoezi hilo lifanyike kabisa. Na bila shaka jambo hilo limekuwa likisaidia hasa pale ambapo akaunti ya WhatssApp inapopata tatizo na kusababisha kuanza upya au mtu anapobadilisha simu janja kutoka moja hadi nyingine.

Baada ya miaka kadhaa kupita kwa watumiaji mbalimbali duniani kote kufurahia huduma hiyo ambayo ilikuwa haina ukomo wa kiwango cha memori hususani kwa data za kutoka WhatsApp lakini hilo sasa huenda likafikia tamati. Google Drive inafanyiwa maboresho ambayo yanatazamiwa kuwa na kiwango cha mwisho (ukomo wa memori) kuweza kuhifadhi data za kutoka kwenye akaunti ya mtu ya WhatsApp.

Hata hivyo, bado haijafahamika ni ukubwa gani wa memori ambao Google Drive itakuwa na uwezo wa kuhifadhi kutoka WhatssApp. Na jambo hili linafanana kabisa la pale ambapo Google iliweka ukomo wa kuhifadhi vitu kwenye Google Photos hivyo basi sote inabidi tujiandae kupokea mabadiliko hayo mara yatakapokuja.

Chanzo: WaBetaInfo