fbpx
TeknoKona Teknolojia Tanzania
Android Apple Intaneti simu Teknolojia

BBM Yaja Na Maboresho Kabambe

BBM Yaja Na Maboresho Kabambe

Spread the love

bbm_mainApp ya kuchati maarufu ya BBM inayomilikiwa na kampuni ya BlackBerry imefanyiwa maboresho kadhaa mapya yanayoiweka katika sifa ya kuwa app bora zaidi ya kuchati kwa sasa. Timu ya BlackBerry imesema maboresho hayo yamekuwa yakijaribiwa kwa muda na watumiaji wengi walikuwa wameridhika na kuyafurahia.

Je ni nini Kipya?

1. Tuma meseji zinazojihariba baada ya muda/kusomwa. 

bbm-timed-tanzania

Meseji zinazojiharibu baada ya muda

Uwezo huu umekuwa maarufu sana siku hizi, utaweza kuchagua muda wa meseji kukaa/kusomwa kabla ya kujiharibu yenyewe kwa mpokeaji. Hii inafaa pale utakapotaka kumtumia mtu ujumbe/picha ambayo ungependa aione yeye tuu na basi baada ya sekunde kadhaa ujumbe huo utajifuta. Pia pale mtu atakapochukua picha ya kioo (screenshot) ya ujumbe huo basi utafahamishwa 🙂

SOMA PIA  Tecno watambulisha Phantom 6 na 6 Plus; Na sasa Kupatikana Duniani kote

2. Rudisha/Futa ujumbe uliotumwa kimakosa kwa mtu.

Kupitia mfumo huu ni kwamba utakapotuma meseji kwa mtu na unaona haifai basi utaweza kuirudisha/futa kutoka kwa mpokeaji…..hii itasaidia sana hasa pale kama mpokeaji alikuwa bado hajaisoma.

3. Uboreshwaji wa stika kwa ajili ya kuchati

bbm

Utumiaji wa stika katika chati umekuwa maarufu sana siku hizi na BBM imefanya maboresho mapya katika eneo hili.

SOMA PIA  #TYDS2022: Hitimisho la Kongamano la Vijana wa Kidigitali Tanzania

4. Tuma na pokea picha zilizokwenye mfumo wa HD (Ubora/kiwango cha juu cha muonekano)

Baadhi ya app za kuchati kama WhatsApp huwa wanapunguza ubora wa picha zinazotumwa ili ukubwa wake (KB/MB) uwe mdogo. Hii inaathiri ‘quality’ ya picha husika, kwa sasa kupitia BBM utaweza kutuma picha kwa ubora ule ule halisi, BBM haitapunguza ubora wa picha husika zinazotumwa.

5. Kupitia BBM Feeds utaweza kuona miziki ambayo rafiki zako wanasikiliza

SOMA PIA  Kitufe cha 'Like' cha Facebook Kuboreshwa Zaidi: Emoji za Hisia Kuongezwa

Tokea zamani ulikuwa unaweza kufahamu rafiki wanasikiliza nini, ila kwa sasa pamefanyiwa maboresho zaidi utaweza kuona taarifa hizi kwa urahisi kupitia ‘Feed”, eneo la taarifa.

Unaweza ipata BBM katika soko la apps katika simu za Android, iOS na BlackBerry, kwa wa Android bofya HAPA, na iOS HAPA!

Tazama video hii iliyotengenezwa na BlackBerry ikionesha umuhimu wa sifa ya kuweza kufuta meseji pale unapoituma kwa mtu asiyehusika, katika hii jamaa kamtumia bosi wake ujumbe wa kimapenzi uliokuwa autume kwa mpenzi wake, alafu bosi mwenyewe mwanaume kama yeye…Hatariiiiii

Comrade Mokiwa

Mbunifu na mpenda teknolojia.

Muanzilishi wa Teknokona, TechMsaada na Teknokona Group LTD - WWW.TEKNOKONAGROUP.COM

Muda wangu umegawanyika kati ya kazi kibunifu @teknokonagroup na uandishi wa habari za Teknolojia hapa Teknokona Blog.

| mhariri(at)teknokona.co.tz |

Comment

Leave a Reply

Your email address will not be published.

TeknoKona Teknolojia Tanzania