fbpx
TeknoKona Teknolojia Tanzania

Airtel simu Tigo Vodacom Zantel

Airtel, Zantel na Tigo Waungana Kurahisisha Huduma ya Simu-Pesa!

Airtel, Zantel na Tigo Waungana Kurahisisha Huduma ya Simu-Pesa!

Spread the love

TIGO, ZANTEL, AIRTEL MFS PARTNERSHIP-2Katika hatua inayoonekana ni katika kuzidi kukuza huduma ya simu-pesa na kuzidi kutishia huduma za kibenki za kawaida makampuni ya Airtel, Zantel na Tigo wameungana katika kuboresha huduma ya simu-pesa. Katika hatua hiyo kwa sasa watumiaji wa huduma za simu-pesa wakitumiana pesa kutoka mtandao mmoja kwenye mwingine pesa hiyo itaingia moja kwa moja kwenye akaunti ya simu-pesa ya mteja aliyetumiwa.

Hii ni tofauti na utaratibu wa sasa ambao mteja akimtumia mwenzake ambayo yupo mtandao mwingine utatumwa ujumbe mfupi wenye maelezo kwa aliyetumiwa kwenda kuchukua pesa hiyo kutoka kwa wakala. Hakika hii ni hatua nzuri zaidi katika kuboresha huduma za simu-pesa, na sasa swali ni moja tuu; Je Vodacom atajiunga katika mpango huu hapo baadae?

SOMA PIA  Jicho Letu Katika TECNO Phantom 8 Na Samsung Galaxy Note 8!

Vodacom kupitia huduma yao ya M-Pesa nao wananguvu sana katika ushindani wa huduma ya simu-pesa na hii inaweza ikawafanya wasione ulazima wa kujiunga katika muungano huu wa Airtel, Zantel na Tigo.

Zantel ndio walikuwa wa kwanza kuanzisha huduma ya Simu-Pesa Tanzania lakini walishindwa kutumia hali hiyo kuwaletea mafanikio katika huduma hiyo, haikuchukua muda mrefu makampuni mengine yalijikita na kutangaza zaidi huduma zao. Kwa sasa inaaminika huduma ya simu-pesa inaongozwa na Vodacom M-Pesa, ikifuatiwa na Tigo Pesa na Airtel Money.

SOMA PIA  Airtel Tanzania yajiunga mfumo wa malipo kwa GePG

Makampuni haya yameshukuru BOT, shirika la Bill na Melinda Gates pamoja na IFC kwa kusaidia katika kufanikisha hili!

Je unadhani muungano huu utakusaidia wewe?

Comrade Mokiwa

Comrade Mokiwa

Muanzilishi wa Teknokona na Teknokona Group LTD - WWW.TEKNOKONAGROUP.COM

Muda wangu umegawanyika kati ya kazi kibunifu @teknokonagroup na uandishi wa habari za Teknolojia hapa Teknokona Blog.

| mhariri(at)teknokona.co.tz |

Comment

Leave a Reply

Your email address will not be published. Required fields are marked *

TeknoKona Teknolojia Tanzania