fbpx
TeknoKona Teknolojia Tanzania

tecno

Huawei IPhone Maujanja Samsung simu Teknolojia Ubunifu Xiaomi

Unaona Simu nyingi zimeanza kufanana sana? Makampuni mengi wanatengeneza kwa makandarasi

Unaona Simu nyingi zimeanza kufanana sana? Makampuni mengi wanatengeneza kwa makandarasi

tecno

Je umeshaanza kugundua ya kwamba kuna simu nyingi siku hizi ata zinazotoka makampuni tofauti ya simu zinafanana muonekano? Je sababu ni nini?

Ni kwa sababu simu janja nyingi hazitengenezwi na makampuni tunayoyafahamu.

Asilimia kubwa ya simu janja zinazouzwa, kazi kubwa ya muonekano wake (design) na uwekaji wa vipuri vingine muhimu huwa inatengenezwa na makampuni ya viwanda makubwa matano ya nchini China. Makampuni yenye majina kama vile Xiaomi, Oppo, Huawei ata Samsung, kuna simu zao wanatengenezewa na viwanda hivi. Jambo hili limeanza kufanya simu nyingi kuanza kuwa na muonekano unaofanana – kwa sababu kinachobadilika ni jina la kampuni ya simu na sifa au uwezo wa simu unaotufautishwa na aina ya vipuri vinavyotumika ndani yake.

Kwenye biashara ya utengenezaji simu na ata bidhaa nyingine mbalimbali kwa ujumla kuna makundi mawili ya viwanda vya utengenezaji – kuna waofahamika kama OEMs na kuna wanaofahamika kama ODMs. Pia kuna mfumo mwingine wa tatu wa kibiashara na utengenezaji bidhaa unaofahamika kama OBM.

tecno

simu

Simu Zinafanana

simu zimeanza kufanana simu zinafanana

Simu zinafanana – Makampuni mengi wanatengeneza simu kwa kulipa viwanda vinavyotengeneza biashara kwa mfumo wa ODM.

ODM – Original Design Manufacturing

Kwa kiswahili cha haraka hapa tunaweza sema ‘Watengenezaji Wabunifu wa Bidhaa’. Hawa ni wale ambao wanafanya ubunifu wa bidhaa na kisha kuitengeneza. Mara nyingi pia wanaweza wakaboresha ubunifu wa bidhaa na kuwa na muonekano wa aina tofauti ya bidhaa ile ile moja.

SOMA PIA  Facebook ina mbinu ya kuwa karibu na mkufunzi

>ODM kwenye Sekta ya Simu na vifaa vya elektroniki

Kwenye sekta ya simu viwanda/kampuni za mfumo wa ODM zinawekeza katika ubunifu mzima wa bidhaa. Kwa nchini China viwanda hivi vinaweza kutengeneza pia bidhaa hiyo katika muonekano mbalimbali wa kitofauti tofauti.

>Wanunuzi wakienda kwa Kiwanda cha ODM

Kampuni au mtu binafsi ambaye ni mfanyabiashara akienda kwenye kiwanda kinachotengeneza bidhaa kwa mfumo wa ODM basi atasema bidhaa anayohitaji, kisha kiwanda hicho kitampatia aina ya bidhaa hiyo ambazo zipo kwao. Mnunuaji atachugua aina ya bidhaa – mara nyingi tofauti ni muonekano na labda sifa zingine chache chache. Atalipia idadi anayohitaji, na atawapa logo ya kuwekwa kwenye bidhaa.

Baada ya hapo kiwanda hicho kitatengeneza bidhaa hizo na kupachika logo ya mnunuaji.

SIMU ZINAFANANA

Simu zinafanana – Data zinaonesha makampuni mengi ya ‘utengenezaji’ simu tuliyoyazoea yanatengeneza asilimia kubwa ya simu zao kupitia mfumo wa biashara wa ODM. Kwa data za 2020, asilimia 74 ya simu za Xiaomi zilitengenezwa kupitia viwanda vya ODM. Samsung na Huawei ndio wanatumia mfumo huo kwa asilimia ndogo sana.

OEM – Original Equipment Manufacturing

Kwa kiswahili hawa tunaweza waita ‘Watengenezaji wa Bidhaa Kipekee’.

OEM wao hawafanyi kazi ya ubunifu, bali wanamtegemea mteja kuja na kazi nzima ya ubunifu na wao wanachofanya ni utengenezaji tuu kulingana na mahitaji ya mteja.

SOMA PIA  Facebook: Watumiaji Bilioni 1.59 na Mapato ya Dola Bilioni 5.8 katika Miezi 3 ya Mwisho 2015

>OEM kwenye Sekta ya Simu na vifaa vya elektroniki

Mfano mkubwa hapa ni Apple, kampuni hii inatumia gharama zake mara zote kubuni na kutengeneza bidhaa mpya. Kisha baada ya hapo wanaipa kazi kampuni ya Foxconn ya nchini China kwa ajili ya utengenezaji wa bidhaa husika. Kila mwaka Apple wanafanya ubunifu mzima wa simu zao au laptop zao na kisha kazi ya utengenezaji inafanywa na Foxconn, Foxconn ni moja kati ya kampuni kubwa sana inayofanya kazi katika mfumo wa OEM.

foxconn apple

Mfano katika uhusiano ulio katika mfumo wa OEM wa Foxconn na Apple, kampuni ya Apple imewekeza hadi kwenye baadhi ya mashine zinazotumiwa na Foxconn katika utengenezaji wa vifaa vyake. Mashine hizo hazitakiwi kutumiwa kwa kazi ya mteja mwingine yeyote.

 

>Mahusiano ya wanunuzi na kiwanda cha OEM

Mara nyingi wateja wao ni makampuni makubwa yanayowekeza pesa nyingi kwenye ubunifu. Katika teknolojia ya sasa bidhaa zinazoweza kuuzwa kwa bei nzuri ni zile ambazo zinabunifu katika kiwango cha juu, na hivyo ndio maana makampuni haya baada ya kutumia pesa nyingi kwenye ubunifu huenda kutafuta kampuni za mfumo wa OEM – kwa kuwa wanakuwa nao na mikataba mikali ya kulinda ubunifu wao.

Marekani ni moja ya taifa linalowekeza sana katika ubunifu wa bidhaa, ila utagundua bidhaa nyingi zinatengenezwa nchini China. China inaongeza kwa kuwa na viwanda vikubwa vya mifumo ya OEM – wateja wakiwa ni makampuni ya Marekani na mataifa mengi ambapo gharama za uendeshaji viwanda ni kubwa sana.

Ni vigumu mfanyabiashara mdogo, wa kununua na kuuza asiyefanya ubunifu wa bidhaa zake kuweza kufanya kazi na viwanda vya OEM.

SOMA PIA  Microsoft Waja na TV janja ya Zaidi ya Tsh Milioni 40

OBM – Original Brand Manufacturing

Je inakuwaje pale kampuni inayofanya ubunifu, ndio inatengeneza pia bidhaa yake ndani ya viwanda vyake? Hivi ndio mfumo wa biashara ya OBM unavyoendeshwa. Kwa sasa mfano mkubwa ni kampuni ya Samsung, ingawa kuna simu kadhaa hasa za bei ya nafuu huwa zinatengenezwa kwenye mfumo wa biashara ya ODM, bado Samsung anatengeneza simu zake nyingi hasa za hadhi ya juu kupitia mfumo wa OBM.

Hali ilivyo kwa mwaka 2020

Data zinaonesha makampuni mengi ya simu yanaachia baadhi ya simu zake kutengenezwa na viwanda vya kwenye mfumo wa ODM. Ni kawaida kwa makampuni haya simu kutengeneza simu za hadhi ya juu kupitia viwanda vyake vya ndani au kupitia viwanda vya OEM, ila kwa simu za bei nafuu na hata za hadhi ya kati makampuni haya yameanza kuongeza kasi katika utumiaji wa viwanda vya ODM.

utengenezaji simu janja

Sababu ya Simu nyingi Kufanana – Makampuni 5 yanashikilia zaidi soko la utengenezaji simu katika mfumo wa ODM – Huaqin, Wingtech, LongCheer, CNCE (Chino-E), TINNO. Makampuni 5 kutengeneza asilimia 85% ya simu kwenye mfumo wa ODM kunachangia kwa kiasi kikubwa kufanya simu za wateja wao kufanana kiubunifu.

 

NA SASA MATOKEO YAKE YAMEANZA KUONEKANA – wanatumia viwanda vile vile vya ODM na hivyo tayari simu nyingi zimeanza kufanana kimuonekano ingawa zinatoka makmpuni ya ‘brand’ tofauti. Kwenye mfumo wa ODM katika biashara ya simu, kiwanda cha ODM kinapewa jukumu zima la ubunifu, na utengenezaji wa simu – kinachotoka kwa mteja/kampuni ya simu ni programu endeshaji tuu.

Je wewe umeanza kuliona hili? Leo utakuwa umegundua kwa nini hali hiyo inajitokeza. Tuambie mtazamo wako hapa au kupitia akaunti zetu za kijamii. Usisahau kushare na wengine. Facebook – @teknokona, Twitter – @teknokona, Instagram – @teknokona

Chanzo: Nokiamob na tovuti mbalimbali

Comrade Mokiwa

Comrade Mokiwa

Muanzilishi wa Teknokona na Teknokona Group LTD - WWW.TEKNOKONAGROUP.COM

Muda wangu umegawanyika kati ya kazi kibunifu @teknokonagroup na uandishi wa habari za Teknolojia hapa Teknokona Blog.

| mhariri(at)teknokona.co.tz |

Comment

Leave a Reply

Your email address will not be published. Required fields are marked *

TeknoKona Teknolojia Tanzania