fbpx
TeknoKona Teknolojia Tanzania

tecno

Android LG simu

LG kuacha kutengeneza simu janja, gemu limekuwa gumu

LG kuacha kutengeneza simu janja, gemu limekuwa gumu

tecno

LG kuacha kutengeneza simu janja – hiyo ni moja habari nzito katika wiki hii. LG ikiwa moja ya makampuni nguli kwenye teknolojia na moja ya makampuni ya kwanza kabisa kuanza kutengeneza simu janja zinazotumia Android.

LG ni moja ya kampuni iliyoingia kwa haraka sana kwenye biashara hii kwa mafanikio miaka mingi nyuma ila katika miaka ya hivi karibuni wamekuwa wakipata ugumu kushika asilimia iletayo faida kwenye soko.

LG wamepoteza zaidi ya dola bilioni 4.5 (zaidi ya Tsh Trilioni 9) katika kipindi cha miaka mitano katika kuendesha biashara ya utengenezaji na uuzaji wa simu janja. LG ni kampuni kubwa Korea Kusini ikiwa na bidhaa nyingine nyingi kwenye sekta zingine na zikiendelea kufanya vizuri.

LG WING

LG Wing ni simu iliyoanza kupatikana mwishoni mwa mwaka jana, ikiwa na uwezo wa kukunjwa na kufunguliwa kuruhusu skrini ya pili. Simu hiyo yenye teknolojia zingine mbalimbali za kisasa inaenda kwa bei ya zaidi ya Tsh Milioni 2 na haijafanya vizuri sokoni

 

LG G3

LG kuacha kutengeneza simu janja: Enzi za Mafanikio – Mwaka 2014 simu ya LG G3 ilikuwa ndio simu iliyouzika zaidi duniani. Simu zaidi ya milioni 10 ziliuzika ndani ya miezi 11

Katika memo iliyovuja kwenye vyombo vya habari Mkurugenzi wake Bwana Kwon Bong-seok amewataarifu wafanyakazi ya kwamba kuna uwezekano kampuni hiyo itafanya maamuzi ya kuachana na biashara hiyo kutokana na kutotengeneza faida yeyote kwenye biashara ya simu katika miaka mitano sasa.

LG wamekuwa wakijaribu kurudi vizuri kwenye soko kwa kuja na simu janja zenye vitu vya kuvutia nje ya vile vinavyopatikana kwenye simu nyingine – ila ingawa zinavutia ila zimeshindwa kushindana kwenye soko na simu zingine za hadhi ya juu kutoka Samsung na Huawei. Hivi karibuni wametambulisha simu zenye uwezo wa kuongeza skrini kupitia LG Wing na LG Rollable, simu hizi ni za ubunifu mkubwa na zinavutia lakini bado simu hizo hazijauzika vizuri.

simu ya lg wing

LG Wing

 

lg kuacha kutengeneza simu janja

Simu ya LG Rollable

 

SOMA PIA  Ujio wa simu za Nokia zinazotumia Android wazidi kukaribia!

LG wanafanya tathmini ya biashara yao ya simu janja ili kufanya uamuzi – uamuzi huo unaweza ukawa ni kuuza biashara yao ya simu janja, au kuifunga, au kupunguza ukubwa wa kitengo/idara ya biashara ya simu janja kwenye kampuni hiyo.

Msemaji wa LG amekubali ukweli wa taarifa iliyovuja akisema uongozi wa kampuni hiyo unafanyia kazi uamuzi wake, na kwamba bado uamuzi mkuu haujafanyika – wanamalizia kufanya utathmini wa biashara hiyo.

Vyanzo: The Verge na vingine mbalimbali
Comrade Mokiwa

Comrade Mokiwa

Muanzilishi wa Teknokona na Teknokona Group LTD - WWW.TEKNOKONAGROUP.COM

Muda wangu umegawanyika kati ya kazi kibunifu @teknokonagroup na uandishi wa habari za Teknolojia hapa Teknokona Blog.

| mhariri(at)teknokona.co.tz |

Comment

Leave a Reply

Your email address will not be published. Required fields are marked *

TeknoKona Teknolojia Tanzania