Wanasayansi wa Uchina wamefaulu katika tiba yao mpya ya majaribio ya kutibu upofu.
Walitumia Nguruwe katika majaribio hayo ya tiba ya kuondoa upofu, ambapo walitumia kornea kutoka kwa wanyama hao na kuweka kwenye macho ya binadamu.
Sasa wamesema wana imani kwamba hilo litafaa sana kutokana na uhaba wa kornea za binadamu. Inakisiwa kuwa Wachina wapatao 5 milioni wanakabiliwa na matatizo ya kornea, sehemu ya mbele ya jicho iliyo ngumu na inayowezesha miale ya mwanga kupenya.
China watu milioni 5 wanamatatizo ya kornea lakini ni kornea 5,000 pekee ambazo hupatikana kila mwaka.
Matatizo ya konea husababisha watu wengi kuwa na ulemavu wa macho (upofu). Njia hiyo mpya ya kutibu upofu imeanza kutumiwa baada ya kuidhinishwa na serikali ya Uchina mwaka jana.
Kornea kutoka kwa Nguruwe hutibiwa na kutolewa bakteria na virusi, pamoja na kutolewa DNA ya Nguruwe, kabla ya kupandikizwa katika jicho la binadamu.
Wakosoaji wa mpango huo wanasema Uchina inaenda kwa kasi sana, bila kuangazia madhara ya mpango huo kwa kipindi kirefu.
Je wewe una mtazamo gani juu ya teknolojia hii ambayo pia inaweza wagusa watu wengine kiimani?
Other Articles
Faso Soap: Sabuni yenye kuzuia Malaria! #Sayansi
