Toleo jipya la programu endeshi kutoka kwenye familia ya Windows inapata wateja kwani kompyuta nyingi sasa watu wanaamua kubadilisha na kuweka kitu kipya. Windows 11 Pro ni toleo mojawapo la programu endeshi ambazo zipo chini ya Windows na zinafanya kazi bega kwa bega na Microsoft.
Watu wengi ambao wanatumia kompyuta hivi sasa wengi wao utakuta wameweka Windows 11 bila kujali kama kifaa hicho kimekidhi vigezo vya kuweza kutumia toleo hilo la programu endeshi. Ukweli ni kwamba wengi hawajali na wanasonga tuu na ingawa kompyuta inatumika lakini kuna masasisho ambayo kompyuta haiweza kuyapokea kutoka Microsoft kutokana na kutokuwa na zile sifa walizoziweka wnyewe.
Kwa taarifa zilizopo ni kwamba kuweka Windows 11 Pro kwenye komputa basi itamlazimu mtu kuingiza akaunti ya Microsoft (Hotmail/Live) ili kuweza kuendelea na mchakato wa kuifanya progrramu endeshi ianze kutumiaka na hapa maana yake pia itahitajika intaneti ili kuwezakufanikisha kuingiza/kutengenza akauntiya Microsoft iwapo mhusika hana.
Ulazima wa kuwa na akaunti ya Microsoft umeonekana pia kwenye Windows 11 Home Edition ambayo inahitaji mtu kuweka akaunti ya Hotmail au Live ili aweze kumaliza mchakato wa kuifanya programu tumishi ianze kutumika.
Miezi ya nyuma huko wajanja walikuwa wanatumia mbinu ya kuondoa intaneti halafu wanatengeneza akaunti ya kawaida tuu (ya humohumo ndani kwa ndani) lakini hilo sasa linakwenda kufikia ukomo hivyo kufanya kuwa na ulazima wa kuwa na/kutengeneza akaunti ya Microsoft ili kufanya programu endeshi itumike.
Vyanzo: The Verge, mitandao mbalimbali
One Comment