fbpx
TeknoKona Teknolojia Tanzania

Kompyuta Teknolojia Windows 11

Ukiweka Windows 11 kwenye kompyuta itakubali?

Ukiweka Windows 11 kwenye kompyuta itakubali?

Spread the love

TeknoKona tumeshaandika makala kuhususiana na sifa gani kompyuta inatakiwa kuwa nazo ili kuwa na uwezo wa kukubali Windows 11 hata hivyo wapo wale ambao wataishusha na kuiweka kwenye vifaa vyao tuu.

Microsoft wameshaweka wazi kuwa kompyuta mbalimbali (hata zile za zamani) zitaruhusiwa kuweza kuiweka programu hiyo endeshi ambayo bado haijatoka rasmi ingawa kuna baadhi ya watu maeneo mbalimbali duniani wameshajaribu kutumia Windows 11 kwenye kompyuta zao.

SOMA PIA  Gorilla Glass 5; Teknolojia mpya ya Vioo Kufanya Simu yako Kuwa ngumu zaidi

Katika kutambua kuna wale wenzangu na mimi ambao wataishusha tuu na kuweka Windows 11 kwenye kompyuta basi nikaona nitoe elimu hii. Swali la kwanza kabla ya kutaka kushusha Windows 11 unapaswa kujiuliza kompyuta yangu inakidhi vigezo vilivyowekwa na Microsoft? Kama huna uhakika ama unataka kujiridhisha zaidi basi ni vyema ukapakua programu wezeshi iitwayo PC Health Check ambayo itakupa majibu unayotafuta.

kwenye kompyuta

Muonekano wa programu wezeshi-PC Health Check ambayo itakupa majibu iwapo kompyuta yako inakidhi vigezo vya kutumia Windows 11.

Shauku ya kutaka kujua iwapo kompyuta yangu imefikia kiwango

Mara baada ya kupakua pprogramu wezeshi-PC Health Check nikata kufahamu iwapo kompyuta ninayotumia itaweza kufanya kazi vizuri ikiwa na Windows 11. Kiukweli nilipata majibu chini ya sekunde 3 mara baada ya kubonyeza kitufe kilichoandikwa “Check now” na kuelezwa kinagaubaga.

kwenye kompyuta

PC Health Check: Ukweli ni kwamba kompyuta hiyo ambayo ni HP haijakidhi vigezo vya kufanya kazi kwenye Windows 11 kutokana na kutokuwa na kipengele cha kuhakikisha usalama wakati komyuta inawaka (Secure boot) ingwa itandelea kupokea masasisho mbalimbali ya Windows 10.

Kompyuta ambayo nimetumia kujua iwapo itafaa kuwekwa Windows 11 haijakidhi vigezo jambo ambalo inanibidi kufikiria kubadilisha na kununua iliyo bora zaidi kwani maisha ya Windows 10 huenda yakawa yanafikia ukingoni hadi kufikia mwaka 2025 huenda tusipokee masasisho muhimu kutoka Microsoft. Kwa maana hiyo nguvu kubwa itakuwa kwa wale ambao kompyuta zao zinatumia Windows 11.

SOMA PIA  Google Podcast na downloads milioni 100, App ya Podcast ya Google yapaa kwa watumiaji

Je, kompyuta uliyonayo/unayotumia ina uwezo wa kufanya kazi vyema kwenye Windows 11? Pakua programu wezeshi kwa KUBOFYA HAPA kuweza kujua.

TeknoKona kama kawaida yetu tumeendelea kukuhabarisha lakini pia kukuelimisha hivyo basi tukusihi usiache kutufuatilia kila siku tunapojaliwa pumzi ya uhai.

Vyanzo: Engadget, Windows central, mitandao mbalimbali

Mato Eric

Ni Mhariri Msaidizi na mtaalamu wa mambo yanayohusu kompyuta. Pia ni mmoja wa wafuasi wakubwa katika teknolojia; Dunia ya sasa inaendeshwa kwa teknolojia.

Wasiliana nami kupitia |ericmato@teknokona.com|

Comment

Comments

  1. […] wameshajua hatima ya kompyuta zao iwapo zinafaa kuwekwa Windows 11 au la! Na hii imetokana na urahisi wa teknolojia ambayo itakupa jibu ndani ya sekunde chache […]

Leave a Reply

Your email address will not be published. Required fields are marked *

TeknoKona Teknolojia Tanzania