fbpx
TeknoKona Teknolojia Tanzania
Maujanja Teknolojia

Jinsi ya Kuangalia kama Simu ni Feki au La! #Maujanja

Jinsi ya Kuangalia kama Simu ni Feki au La! #Maujanja

Spread the love

Hivi karibuni zilisambaa taarifa kwamba simu feki zote nchini Tanzania zitazimwa ifikapo mwezi Juni mwaka 2016, makala hii itakuonesha jinsi ya kuangalia kama simu yako ni feki ama la.

Hatukuweza kuthibisha moja kwa moja kwamba kweli simu zitazimwa mwezi Juni lakini tumejiridhisha kuwa kutakuwa na hatua dhidi ya wanaomiliki simu feki pindi itakapofika tarehe hiyo.

Zifuatazo ni hatua unazoweza kuzitumia kuangalia kama simu yako ni fake, hakuna mahitaji makubwa kufanya hili ila tu unahitaji simu yako unayoitumia na unayotaka kuiangalia.

Jinsi  ya angalia IMEI namba

  • Andika *#06# kisha bonyeza kitufe cha kupiga
  • Baada ya hapo simu yako itakuletea IMEI namba ambapo kama simu yako au kifaa chako kina laini mbili basi kutakuwa na IMEI namba mbili
  • Namba hii pia unaweza kuipata katika boksi la simu ama nyuma ya ya simu hiyo baada ya kutoa betri, utaijua kwa kuwa huwa ni tarakimu 15.
  • Nakili namba hizo pembeni.
Jinsi

Mfano wa IMEI namba iliyopatikana kwa kupiga *#06#

Jinsi ya kuangalia kifaa kama ni feki ama halali

  • Iandike ile namba uliyo nakili katika hatua iliyopita katika sehemu ya kuandikia ujumbe (SMS)
  • Utume ujumbe huo kwenda namba 15090
  • Baada ya kutuma meseji hiyo utaangaliziwa je hiyo IMEI namba ni ya simu ya aina gani na nani mtengenezaji wa simu hiyo.
  • Subiri majibu (haitachukua muda mrefu)
  • Ujumbe huo ukija unakuwa na maelezo ya kampuni iliyotengeneza simu hiyo pamoja na jina la simu hiyo.
jinsi ya kuaangalia simu kama feki

Mfano wa ujumbe unarudishwa baada ya kutuma IMEI namba

Jinsi ya kujua kama simu yako ni feki

SOMA PIA  Namba za madereva wa Uber kutoonekana Kenya

Kama jina la mtengenezaji wa simu yako pamoja na aina ya simu yako (Uliyo jibiwa baada ya kutuma IMEI namba) haviendani na majina ya simu yako (ambayo yameandikwa katika simu yako) basi ujue simu yako inamashaka na ni vyema kumuuliza muuzaji wako juu ya hilo.

SOMA PIA  Udhaifu wabainika kwenye WhatsApp

Kama majina yaliyorudi hayaendani na majina yaliyoandikwa katika simu yako basi upo katika kundi lenye uwezekano wa kuwa na matatizo, TUNAKUSHAURI ufuate utaratibu na kuibadilisha ama kuacha kuitumia simu hiyo kabla ya mwezi Juni.

Kwanini TCRA wanataka tubadilishe simu

Simu isiyo na IMEI ni sawa na gari lisilo na namba za usajili {plate number}

Vyombo vya usalama vinaweza kukamata wahalifu wa kutumia mitandao ya simu kwa msaada wa IMEI namba hivyo mtu akiwa anatumia simu ambayo haina au ina IMEI namba ambayo sio sahihi anazuia utendaji kazi wa taasisi za usalama hivyo wao kama mamlaka wanatakiwa kuhakikisha kila mtu anatumia simu yenye IMEI namba sahihi.

SOMA PIA  Solarin; Ifahamu Simu ya Tsh Milioni 36.5 (Dola 16,600)

Undelea kufuatilia Teknokona kwa habari mbalimbali katika lugha yako ya kiswahili.

Comment

Comments

  1. […] Kama unayo bila shaka utakuwa umeshaangalia kama simu yako ni feki au la […]

  2. […] MUHIMU: Kujua Kama Simu Yako Ni Feki Au La – Bofya Hapa. […]

  3. […] Aidha mamlaka hiyo iliskwisha toa namna ambayo mtumiaji anaweza kuangalia kama simu yake ni orijino ama siyo na Teknokona tulikuletea makala juu ya hilo kama bado hujaisoma SOMA HAPA. […]

  4. […] Je ushahakiki simu yako kujiridhisha? Kama bado basi soma hapa -> Jinsi ya kuangalia kama simu ni feki/bandia au la! […]

Leave a Reply

Your email address will not be published.

TeknoKona Teknolojia Tanzania