Wakati fulani rafiki yangu alinishangaza pale niliposhika simu yake ya Android na kuona muonekano wa uso wa mbele pamoja na mpangilio wa programu tumishi kama kwenye toleo la iOS 12 nikavutiwa kutaka kujua mbinu hiyo na ndipo aliponifunuga macho kumbe hata wanaotumia Android unaweza ukasema “Wamehamia” kwenye iPhone.
Dunia inafahamu kuwa iOS 14 imeshatoka na wenye iPhone (kuanzia iPhone 6s na kuendelea) wanafurahi kutokana na vile ambavyo vipo kwenye programu endeshi husika. Sasa wanaotumia Android na wao wanaweza kupata angalau kionjo cha iOS 14. Swali ni je, kivipi?
Kwa yeyote ambaye anatumia simu inayotumia Android basi itambidi kupakuwa programu tumishi iitwayo KWGT kutoka kwenye Playstore lakini piaΒ KWGT Pro nje ya soko la programu tumishi (unapakuwa ya toleo la APK) kisha unafuata hatua zote za kuweza kuiweka kwenye simu yako ya Android.
Mara baada ya kushusha KWGT Pro ndani yake utakuta kuna programu ndogondogo ambazo ukizitunza kwenye simu uso wa mbele utabadilika kulingana na kile ambacho umekihifadhi hivyo kubadilisha mambo yalivyokuwa hapo awali.
kwenye KWGT Pro utaweza kupata aina mbalimbali za muonekano hivyo kubadilisha kabisa muonekano/mpangilio wa programu tumishi bila kusahau unaweza kufanya rununu ikaonekana kama unatumia iOS 14 π π π .
Kutokana na sababu mbalimbali unaweza ukawa huna uwezo wa kumiliki iPhone inayokubali toleo la iOS 14 lakini hiyo isiwe shida kwani kwa kutumia programu tumishi fulani na wewe unaweza kuifanya rununu ionekane ya kitofauti sana.
Chanzo: Android Central
One Comment