Simu janja Honor 50 na wenzake kutoka Juni 16

Katika simu ambazo zimezungumziwa kwa miezi kadhaa hakika huwezi kuacha kuitaja Honor 50 pamja na wenzake kutoka familia na sasa baada ya fununu tarehe ya uzinduzi wa bidhaa hizo yafahamika.

Honor 50 pamoja na wenzake kwa maana ya Honor 50 Pro, 50 Pro+ zimekuwa zikitajwa kutoka hivi karibuni lakini pia taarifa zikibainisha rununu hizo pia hazitatumia Android bali programu enedshi iitwayo Harmony ambayo imetengenezwa na Huawei wenyewe.

Uzinduzi wa simu janja za Honor 50 utafanyika huko Shanghai, Uchina Julai 16 ambapo tayari habari za chini kwa chini zimeshaweka wazi baadhi ya sifa ilizonazo rununu husika. Honor 50 inaelezwa kuwa na Snapdragon 778G SoC. Halikadhalika, kuna uwezekano wa toleo la Pro kuwa na aina hiyohiyo ya kipuri mama.

Kwa upande wa 50 Pro+ imewekwa Snapdragon 888 kikiwa ni ingizo jipya la vipuri mama kwa mwaka 2021. Toleo la Honor 50 Pro+ kioo chake kina urefu wa inchi 6.79, chenye ubora wa hali ya juu sana, memori yake ikiwa ni 8GB/128GB.

Kwa upande wa uwezo wa betri Honor 50 Pro+ ina 4400mAh, teknolojia ya kuchaji haraka ni 66W kwa kutumia waya, 50W iwapo ina chaji bila kutumia waya. Kwenye upande wa kamera simu hii inaelezwa kuwepo mbili mbele (32MP+8MP), nyuma ina 50MP, 13MP na 8MP.

Hayo ni machache tu kati ya mengi ambayo hatuyafahamu kuhusu simu janja husika hivyo yatupasa kusubiri tarehe ya ufunguzi ili kuweza kufahamu yote kuhusu simu janja husika.

Vyanzo: GSMArena, mitandao mbalimbali