Microsoft Office ya kwenye simu yawezeshwa muonekano wa giza

Simu janja ni kifaa cha kiganjani ambacho kina uwezo wa kufanya mengi ambapo siku hizi unaweza usiwe na kompyuta lakini ukaweza kuandaa nyaraka kwa kutumia Microsoft Office. Umesikia Ms. Office yawezeshwa muonekano wa giza?

Watumiaji wa Android sasa wanaweza kufurahi kwani Microsoft Office imeboreshwa kwa kiasi cha kwamba sasa wanaweza kuweka muonekano wa giza kwa Kiingereza tunasema ‘Dark Mode‘. Maana yake ni kwamba watumiaji wana uwezo wa kuchagua mwonekano wa nuru ya mwangaza ama giza.

Je, unawezaje kubadili kwenda kwenye muonekano wa giza?

Ili kuweza kufikia hatua ya mwisho huna budi kuanze mwanzo maana yake ni lazima ufungue programu tumishi husika (Microsoft Office) kisha Home>>Profile>>Settings halafu utachagua muonekano utaupenda kati ya wenye mwanga au giza ila kabla ya kufanya mabadiliko mpangilio mwennekano ni wa mwanga.

Kwa wale wanaotumia iOS kipengele hiki kipo kule muda mrefu tuu ambapo inampa uhuru wa mtumiaji kuweza kuweka muonekano huo kwenye programu tumisihi husika. Fahamu programu tumishi mbalimbali zilizo na KIPENGELE CHA MUONEKANO WA GIZA.

Je, wewe ni mpenzi wa kutumia simu kuandaa, kuhariri nyaraka kwa kutumia simu janja? Naamini utakuwa umefurahishwa na habari hii.

Kumbuka kutufuatilia kila uchwao kwa habari mbalimbali za teknolojia kutoka ndani na nje ya Tanzania kwa kutumia lugha adhimu ya Kiswahili.

Vyanzo: GSMArena, mitandao mbalimbali