fbpx
TeknoKona Teknolojia Tanzania
Afya Teknolojia

Njia Mpya ya Kupima Saratani ya Tezi Dume kwa Kupima Mkojo Yatambulishwa

Njia Mpya ya Kupima Saratani ya Tezi Dume kwa Kupima Mkojo Yatambulishwa

Spread the love

Kupima saratani ya tezi dume kwa wanaume wengi limekuwa jambo gumu kutokana na vipimo vyote vilivyopo kwa sasa kuhusisha uchunguzi kufanyika kupitia njia ya haja kubwa. Na kwa wengi hili ni jambo lisilofurahisha ata kidogo.

Habari njema imekuja. Watafiti wa nchini Uingereza wamefanikiwa kuja na kifaa kinachopima mkojo kwa mfumo wa kuunusa na kutoa matokeo kama mtu anatatizo la saratani ya tezi dume au la.

tezi-dume

Aina ya upimaji wa ugonjwa huu kwa miaka mingi unahusisha njia isiyopendwa na wengi

Kipimo hicho kinachotumia mfumo wa kusoma hewa na harufu ya mkojo (gas chromatography sensor) kinaweza pia kutoa majibu ya magonjwa mengine kama vile saratani ya kibofu (bladder cancer) na hematuria (ugonjwa wa kukojoa damu).

SOMA PIA  FAHAMU: Jinsi Ya Kupata Followers Wengi Instagram!

Kifaa hicho katika majaribio yake walitumia kuwapimia wanaume 155, katika hao 58 walikutwa na ugonjwa wa tezi dume, 24 na kansa ya kibofu na 73 na hematuria.

Kipimo cha Kupima saratani ya tezi dume

Odoreader – unaweza kukiita ni pua ya elektroniki, kupitia harufu ya mkojo kifaa hichi kitaweza kupima na kutoa majibu

Kumbuka kipimo hichi kitatoa majibu ya chanya (positive) ata kama bado ugonjwa huo upo katika hatua za mwanzo na hivyo kumsaidia mtu husika kuwahi kupata matibabu husika.

SOMA PIA  HP waja na laptop inayokulinda dhidi ya 'wachunguliaji'

Kifaa hicho cha ‘The GC Sensor system’, kimepewa jina la Odoreader na kimetengenezwa na maprofesa wawili wa Uingereza – Bwana Chris Probert wa chuo kikuu cha Liverpool na Bwana Norman Ratcliffe wa chuo kikuu cha West of England Bristol.

Teknolojia hii imesifiwa sana na wengi wanaona itasaidia kurahisisha wanaume wengi kufanya kipimo hicho bila kujisikia vibaya au kuwa na fedhea ukilinganisha na njia zinazotumika kwa sasa.

Je unamaoni gani juu ya teknolojia hii? Tuambie kwenye eneo la comment!

Vyanzo: Mtandao wa TechTimes na DailyMail

Comrade Mokiwa

Mbunifu na mpenda teknolojia.

Muanzilishi wa Teknokona, TechMsaada na Teknokona Group LTD - WWW.TEKNOKONAGROUP.COM

Muda wangu umegawanyika kati ya kazi kibunifu @teknokonagroup na uandishi wa habari za Teknolojia hapa Teknokona Blog.

| mhariri(at)teknokona.co.tz |

Comment

Leave a Reply

Your email address will not be published.

TeknoKona Teknolojia Tanzania