fbpx
TeknoKona Teknolojia Tanzania
Afya Teknolojia

Second Skin: Wanasayansi waja na Ngozi ya Bandia, Kuficha Uzee na Makovu!

Second Skin: Wanasayansi waja na Ngozi ya Bandia, Kuficha Uzee na Makovu!

Spread the love

Je unazeeka na ngozi yako ya uso au mikono inaonesha uzee huo? Wanasayansi waja na ngozi ya bandia inayoweza wekwa juu ya ngozi ya kawaida na kuonekana kama halisi, na huku ikiwa haiathiriwi na kulowa n.k.

Kundi la wanasayansi kutoka chuo cha Harvard na M.O.T huko Marekani ndio walioweza kufanya jambo hili ambalo kwa wengi linaonekana kama vile limetoka kwenye filamu kuwa jambo la halisi, linalowezekana.

ngozi ya bandia second skin

Eneo la jicho la kushoto kwako, ngozi bandia imetumika wakati kulia haijatumika. Tofauti inaonekana

Hadi sasa watu 170 wamefanyiwa majaribio ya kujibandika ngozi bandia hii iliyopewa jina la ‘second skin’, yaani ngozi ya pili. Pia katika majaribio hayo imegundulika hakuna waliogundulika kupata madhara yeyote yale ya ngozi, hili likionesha ya kwamba malighafi (material) waliyotumia hayana madhara kwa ngozi za watu hao.

Wanasema kemikali zinazotumika kutengenezea ngozi bandia hiyo ni zile zinazokubaliwa ya kwamba ni salama zilizopitishwa na Bodi ya Chakula na Madawa ya Marekani.

Ngozi hii bandia ni ‘transparent’, na hivyo ni vigumu kugundulika kama mtu ameweka kitu chochote juu ya ngozi yake. Inaweza valiwa siku nzima bila kusababisha muwasho wowote na inaweza kuhimili jasho na mvua. Utaweza nawa n.k bila kuathiri chochote, haitotoka.

second skin ngozi ya bandia

Muonekano wa Second Skin – ‘ngozi bandia’, pale inapokuwa inatolewa

Inasemekana matajiri wengi ambao uzeeka uchagua kufanya oparesheni za kuweka nyuso zao vizuri. Kuvuta na kupunguza ngozi ili kuzipa nyuso muonekano wa ujana. Njia hii isiyohusisha oparesheni inaonekana inaweza ikawa ndio njia bora na rahisi zaidi kufanyika.

Inasemekana matibabu ya magonjwa kama vile Eczema na Psoriasis yatanufaika na teknolojia hii

Matumizi mengine yanayoonekana yatawezekana ni pamoja na kutumia ngozi hii bandia kushikilia dawa iliyopakwa katika sehemu ya ngozi. Yaani dawa itapakwa kwenye eneo la ngozi na kisha ngozi bandia kuwekwa juu yake.

SOMA PIA  Drone ya kubebea mzigo wa zaidi ya kilo 200 yaundwa

Inawekwaje?

  • Itakuwa kwenye mfumo wa ‘cream’, yaani kama mafuta ya ngozi. Kuna mchanganyiko wa mafuto hayo, utapaka ya kwanza kisha kupaka nyingine juu yake…baada ya kukaa kwenye ngozi tuu itabadilika na kuwa ngozi ya bandia.

Angalia video hii fupi inayoonesha teknolojia hiyo…

SOMA PIA  SolidEnergy: Teknolojia mpya kufanya betri zidumu mara mbili zaidi

Je una maoni gani juu ya teknolojia hii?

Soma Pia – Uwezekano wa kurudisha uhai kwa marehemu! #Teknolojia

Vyanzo: BBC na The New York Times

Comrade Mokiwa

Mbunifu na mpenda teknolojia.

Muanzilishi wa Teknokona, TechMsaada na Teknokona Group LTD - WWW.TEKNOKONAGROUP.COM

Muda wangu umegawanyika kati ya kazi kibunifu @teknokonagroup na uandishi wa habari za Teknolojia hapa Teknokona Blog.

| mhariri(at)teknokona.co.tz |

Comment

TeknoKona Teknolojia Tanzania