Unayafahamu matumizi ya simu janja kwa ajili ya mazoezi? Teknokona leo tunakufafanulia ni jinsi gani unaweza kuitumia simu janja yako kwa ajili ya kufanya mazoezi mbalimbali ya mwili. Mazoezi ya mwili ni muhimu sana kwa ajili ya kupata afya bora ya mwili na akili.
Njia mbalimbali ambazo simu janja yako inaweza kukusaidia na kutumika katika ufanyaji wa mazoezi ya mwili ni pamoja na kukuburudisha, kukuwezesha kupakua programu za mazoezi na kukusaidia kusimamia muda wa mazoezi. Katika kukuburudisha unaweza kutumia simu janja yako kusikiliza nyimbo mbalimbali wakati unafanya mazoezi ili usichoke haraka.
Kwa matumizi ya simu janja yako unaweza pia kupakua programu mbalimbali za mazoezi na kuanza kuyafanya kwa kufuata maelekezo yaliyopo kwenye programu hiyo. Kwa kutumia simu janja yako unaweza kuperuzi mtandaoni katika majukwaa mbalimbali kama Youtube kutafuta aina ya mazoezi ya mwili unayotaka kufanya.
Utahitaji pia kuwa na muda maalum wa kufanya mazoezi na kujipimia muda wa kila zoezi hivyo unaweza kutumia simu janja yako kufanya hivyo.
Baadhi ya progamu za mazoezi unazoweza kupakua kwenye simu janja yako ni pamoja na Home workout, Relieve na nyingine nyingi. Pia, unaweza kutumia vifaa vingine vya kielektroniki kusaidia katika ufuatiliaji wa afya yako ukiwa unafanya mazoezi kama saa janja na bangili janja ambazo ukivaa na kupakua programu zake maalum utaweza kuona taarifa mbalimbali za mabadiliko ya mwili wako ukiwa unafanya mazoezi na pia kiasi cha mafuta ulichochoma wakati unafanya mazoezi.
No Comment! Be the first one.