Yaliyowekwa wazi kuhusu simu janja Samsung Galaxy A03

Novemba 26 2021, ilitoka Samsung Galaxy A03 ambayo imewezeshwa kwa kuwa na sifa ambazo soko la leo linahitaji hivyo kufanya kujitengenezea mazingira mazuri ya rununu husika kuuzika kwa wingi.

Mojawapo ya simu janja za Samsung zilizozinduliwa bila ya kuweka baadhi ya sifa amabazo rununu husika inazo ni Galaxy A03 lakini hiyo si kitu sana kwani mengi ambayo yanavutia wateja yamewekwa wazi kama ambavyo makala hii imelenga kufikisha habari kwa wengine.

Kwanza, kwenye upande wa muonekano simu uhusika ina urefu wa 164.2mm, upana 75.9mm huku kioo kina urefu wa inchi 6.5. Kwa upande wa kipuri mama hadi wakati makala hii inaandikwa haikuwekwa wazi wakati wa uzinduzi wa simu hii.

Pili, kuhusu uwezo wa kamera pamoja na memori, hapa tunakutana na MP 48+2MP za kamera ya nyuma bila kusahau taa ya kuongeza mwanga; kamera ya mbele ina MP 5. Tukija kwa upande wa memori inapatikana katika 3GB+32GB, 4GB+32GB na 4GB+128GB.

Tatu, uwezo wa betri kwenye simu hii ni sawa tuu na watangulizi wake (Galaxy A03s na Galaxy A03 Core) kwa maana ya kwamba ina 5000mAh. Inapatikana katika rangi tatu-Nyekundu, Bluu na Nyeusi. Bei ya simu hii haijawekwa wazi na Samsung lakini wakasema gharama yake itabadilika kulingana na masoko mbalimbali.

Mwisho wa siku simu hii inaingia kwenye kundi la rununu za daraja la kati kutoka Samsung na zote tatu kutoka familia moja zina uwezo mkubwa wa betri. Kwa leo, yetu ni hayo tu ila usisite KUBOFYA HAPA kuweza kusoma makala mbalimbali zinazohusu simu.

Vyanzo: Gadgets 360, GSMArena