Umewahi kujiuliza ni kwanini huwezi kutoa betri kwenye simujanja za kisasa kwa urahisi?
Kampuni za simu walianza kuleta simu ambazo mtumiaji wa kawaida hawezi zitoa kwa urahisi (non removable) kutokana na sababu mbalimbali. Leo tuzielezea zile muhimu.
Kutoa betri kwenye simujanja ya kisasa
Simu nyingi zamani zilitengenezezwa katika namna ilikuwa rahisi sana kuchomoa betri na kulibadilisha, lakini siku hizi kufanya hivyo kutakulazima uipeleke kwa fundi.
1: Kuzuia maji kuingia kwenye simu kwa urahisi.
Miaka ya nyuma ilikuwa changamoto kutengeneza simu zenye kuhimili uwepo wa maji (Water Proof) mpaka walivyogundua kuwa simu ambazo haziwezi kutolewa battery ni rahisi kutengenezea tabaka (layer) ili kuzuia maji yasiingie ndani ya simu kwa urahisi.
Simu ambazo haziwezi kutolewa betri kwa urahisi (Non removable battery) ni rahisi kuifatilia (track) endapo simu imepotea kwa sababu mwizi hawezi kutoa betri kwa urahisi hivyo ni ngumu kwa mwizi kuzima vipengele vya ulinzi kwenye simu (disabled security features).
Simu ambazo unaweza kutoa betri kwa urahisi (removable battery) hazina muonekano mzuri kutokana na kuwepo kwa cover la juu ambalo hulinda battery ya simu ukilinganisha na simujanja za kisasa ambazo zina mwonekano mzuri sababu ya uwepo wa battery nyembamba ambayo pia huwezi kuitoa kwa urahisi.
Watengenezaji wa simu wanaboresha muundo wa simu kila mwaka, hii ni kutokana na ukuaji wa teknolojia na uhitaji wa huduma flani kwa wakati huo.
Timu ya uandishi wa Kona ya Teknolojia ingefurahi kupata sapoti yako ili iendelee kukuletea habari na maujanja mbalimbali.
Wezesha bando kwa kutuma kiasi chochote kupitia Selcom, kwenye simu yako bofya *150*50*1# kwenye namba ya malipo weka 60751369 jina litakuja TEKNOKONA.
Makala nzuri sana, hakika nimeelimika vya kutosha