Huenda tayari unajua jinsi vifaa vya masikioni visivyotumia waya kama vile AirPods za Apple zilivyo nzuri kwa ajili ya kusikiliza mziki au kuongea kupitia simu yako, lakini huenda hujui jinsi ya kuuganisha AirPods kwenye kompyuta yako.
Kompyuta nyingi za sasa ( zinazotumia Mac OS na zinazotumia Windows) zinakuja na Bluetooth ndani yake (built-in Bluetooth) kwa ajili ya kuunganisha vifaa vinavyotumia Bluetooth ikiwemo na AirPods.
- Jinsi ya kuunganisha AirPods na kompyuta ya Apple (Mac OS)
Ikiwa AirPod ni kifaa kinachotengenezwa na Apple, na kama unatumia simu ya iPhone basi inakuwa ni rahisi zaidi kuunganisha na AirPods ikiwa kompyuta ya Apple na simu yako ya iPhone zinatumia Apple ID inayofanana na umeingia kwenye akaunti yako ya Apple ID ( sign in), hapo moja kwa moja kompyuta itaitambua (detect) na kuunganisha AirPods kwa kubonyeza kitufe cha connect kwenye kompyuta au simu yako.
Njia za kawaida kuunganisha AirPods kwenye kompyuta ya Apple (Mac OS)
- Kwenye kompyuta yako ya Mac chagua mipangilio (system settings) kutoka kwenye Menu ya vifaa (devices menu) kisha chagua Bluetooth
- Hakikisha Bluetooth imewashwa
- Washa AirPods zako kwa kubonyeza kitufe kilichopo nyuma ya kasha (AirPods case) la AirPods kwa sekunde chache mpaka utakapoona mwanga mweupe.
- Hapo kompyuta itaitambua (detect) na kisha bofya jina la AirPods zako na uunganishe (connect) na kompyuta yako.
2. Jinsi ya kuunganisha AirPods na kompyuta inyotumia Windows.
Kompyuta nyingi zinakuja na mpangilio wa Bluetooth (Bluetooth settings) ili kuunganisha vifaa visivyotumia waya (wireless devices).
- Hakikisha Bluetooth yako imewashwa (turned on). Chagua: Start > Settings > Devices > Bluetooth & other devices, kisha washa Bluetooth.
- Washa AirPods zako, bofya kitufe kilichopo kwenye mfuniko (case) wa AirPods
- Kwenye kompyuta yako, chagua Start > Settings > Devices > Bluetooth & other devices >bofya kwenye “Add Bluetooth or other device” > kisha Chagua AirPods na uunganishe (connect) na kompyuta
- Hapo tayari utakuwa umeunganisha AirPods na kompyuta yako ya Windows.
No Comment! Be the first one.