Makampuni mengi yamekuwa yakiachana polepole kutumia vioo ya LCD na kuhamia kwenye teknolojia ya OLED lakini daima gharama za vioo hivyo imekuwa ipo juu jambo ambalo linasababisha hata bidhaa kamili kuwa ghali.
Panasonic imeliona suala hilo na kuamua kuchukua hatua ambayo itapunguza uwekezaji kwenye teknolojia hiyo; ilichokifanya kampuni hiyo ni kuunganisha nguvu (kuingia ubia) na Screen Holdings Co. Ltd.
Panasonic kazi yao itakuwa ni kuchora mchoro pamoja na kuunda kifaa ambacho kitatumika kutoa nakala mbalimbali huku upande wa pili (Screen Holdings Co. Ltd) kazi ikiwa ni kufanikisha uzalishaji wa bidhaa husika pamoja na kufanya matengenezo.
Kioo cha OLED kutoka Panasonic: Ubia huo wa Panasonic na Screen Holdings Co. Ltd utapunguza gharama za utengenezaji wa vioo vya OLED kwa asilimia 20-30.
Teknolojia ya utengenezaji wa vioo ya OLED ilianzishwa na Sony pamoja na Pioneer Corp miaka ya ’90 kisha makampuni mengine yakajaribu kutumia teknolojia hiyo lakini wakaachana nayo baada ya muda kutokana na gharama za uzalishaji kuwa juu.
Teknolojia ya kwenye OLED ndio inafanya simu kama iPhone X kuwa ghali sana lakini kwa ushirikiano wa Sony Corp na Panasonic (JOLED) wanatarajiwa kuanza kutoa vioo vya aina hiyo kwa bei nafuu ifikapo mwaka 2020.
Timu ya uandishi wa Kona ya Teknolojia ingefurahi kupata sapoti yako ili iendelee kukuletea habari na maujanja mbalimbali.
Wezesha bando kwa kutuma kiasi chochote kupitia Selcom, kwenye simu yako bofya *150*50*1# kwenye namba ya malipo weka 60751369 jina litakuja TEKNOKONA.
Ni Mhariri Msaidizi na mtaalamu wa mambo yanayohusu kompyuta. Pia ni mmoja wa wafuasi wakubwa katika teknolojia; Dunia ya sasa inaendeshwa kwa teknolojia.
Wasiliana nami kupitia |ericmato@teknokona.com|
