Panasonic ni moja ya makampuni ambayo bidhaa zake hasa za kiganjani hazijaenea katika nchi za Afrika kulinganisha na washindani wengine na hivi karibuni imezindua tabiti mbili kwa mkupuo.
Tabiti ambazo zimezoeleka na hata kupatikana kwa wingi ni za Huawei, Tecno, Samsung, Vodafone, n.k lakini ni nadra sana kumkuta mtu akimiliki tabiti ya Panasonic lakini mambo huwenda yakawa ni tofauti katika siku za usoni.
Tabiti hizo mbili zilizozinduliwa kwa mkupuo ni Panasonic T1 na L1 ambazo zote zimeelezwa kuwa na uwezo wa kubadilisha betri ya kuhitaji kuzima na kuwasha.
Tabiti mbili za Pnasonic; T1 na L1.
Sifa za tabiti T1 na L1 kutoka Panasonic.
Tofauti ya tabiti hizi mbili (T1 na L1) ni ndogo sana lakini ambayo ni rahisi zaidi kuiona ni urefu wa kila tabiti; T1 ina urefu wa inchi 5 na L1 ina inchi 7, tofauti na hapo zina sifa sawa kila kipengele.
Tabiti ya Panasonic T1 yenye urefu wa inchi 5 pia ina uwezo wa kutoingia vumbi/maji kwa kina fulani.
Prosesa: Qualcomm Snapdragon CPU ARM Cortez-A7 Quad-Core 1.1 GHz
Programu Endeshi: Android 8.1 Oreo
RAM: GB 2
Memori ya ndani: GB 16 (uhifadhi wa ziada wa mpka GB 64)
Uwezo wa betri: 3,200mAh
Teknolojia nyinginezo: GPS, Bluetooth 4.2, inatumia kadi ndogo ya simu, NFC
Tabiti ya Panasonic L1 yenye urefu wa inchi 7 pia ina uwezo wa kutoingia vumbi/maji kwa kina fulani.
Tabiti zote mbili hazijafahamika ni lini zitaanza kuuzwa lakini inategemea kuingia sokoni miezi michache ijayo na bei zake zintazamiwa kuwa zaidi ya $1,400|Tsh. 3,220,000.
Vyanzo: ZDNet, Engadget
Timu ya uandishi wa Kona ya Teknolojia ingefurahi kupata sapoti yako ili iendelee kukuletea habari na maujanja mbalimbali.
Wezesha bando kwa kutuma kiasi chochote kupitia Selcom, kwenye simu yako bofya *150*50*1# kwenye namba ya malipo weka 60751369 jina litakuja TEKNOKONA.
Ni Mhariri Msaidizi na mtaalamu wa mambo yanayohusu kompyuta. Pia ni mmoja wa wafuasi wakubwa katika teknolojia; Dunia ya sasa inaendeshwa kwa teknolojia.
Wasiliana nami kupitia |ericmato@teknokona.com|
