Kwenye ulino wa simu janja ambazo zinakunjika na kukunjuka Microsoft Surface Duo ni mojawapo ya rununu ambayo imeingia imekuwepo kwa zaidi ya miaka miwili sasa na hatimae Android 11 imefika kwa wenye nazo.
Simu hii (Microsoft Surface Duo) ilitangazwa mwezi Oktoba 2019 na kuzinduliwa Agosti 12 2020 na wakati huo ilikuja ikiwa na Android 10 na kupangiwa kupata Android 11 mwaka jana lakini mambo hayakuwa hivyo. Hata hivyo, imeonekana ni vyema kwa wanaotumia rununu husika kuweza kuhamia Android 11 huku masasisho hayo yakija sambamba na yale yanayohusu kufanya simu janja kuwa na ulinzi madhubuti kwa mwezi Januari 2022.
Ujio wa Android 11 wenye simu kuna mengi ambayo yameboreshwa haswa katika upande wa Mpangolio (settings) na kuweka njia za haraka kuwezesha kubadilisha vitu mbalimbali kwenye rununu husika.
Baadhi ya sifa za Microsoft Surface Duo
Kwa muonekano simu hii ina sura mbili ambapo ikiwa imekujwa kioo chake kina urefu wa inchi 5.6 na kama kimekunjuliwa kinakuwa na inchi 8.1. Kioo chake ni cha ubora AMOLED cha Gorilla 5 kwa pande zote mbili (nyuma na mbele). Memori ni RAM GB 6, diski uhifadhi ni 128/256 GB. Ina kamera moja yenye MP 11 yenye uwezo wa kuchukua picha jongefu zenye ubora wa 4K, 1080px. Betri yake ina 3577mAh, teknolojia ya kuchaji haraka ni 18W, kipuri mama ni Snapdragon 855.
Hakika kwa wanaotumia simu hii watakuwa wamefurahishwa na ujio wa Android 11. Bei ya simu hii inaanzia $499|zaidi ya Tsh. 1,147,700.
Chanzo: GSMArena,
No Comment! Be the first one.