Kama wewe ni mtumiaji mzuri wa Snapchat basi kaa mkao wa kula kwani mtandao huo nguli wa picha na video zinazopotea baada ya muda umekuja na vipengele vipya viwili.
Snapchat ndio mtandao ulioleta mapinduzi makubwa katika mitandao mingine katika swala zima la Stories. Mitandao mingi kwa kipindi cha nyuma ilikua haina kipengele hicho lakini Snapchat walipoanza kukitumia ndipo makampuni mengi yakaanza kukiiga,
Licha ya kuwa vipengele vingi vya Snapchat huwa vinanakiliwa na kutumika katika mitandao mingine hilo haliwarudishi nyuma kabisa
Sasa wanatoka na kipengele cha ‘Link‘ ambapo mtu unaweza ukaweka link ya mtandao wowote ndani ya post (story) zako. Mwanzoni ulikua unaweza kuweka link pale tuu unapomtumia mtu Snap (Meseji).
Kingine ni kipengele cha ‘Background‘ yaani hapa utaweza kuwezesha hili kwa kutoa eneo la mbele ya Snap yako ili background ionekane. Filter hii ya background itakuwa inabadilika kila siku kama vile zilivyo zile ‘Lense’ za kuvaa kwa mfano ile ya mbwa.
Ukiachana na hivi vipengele vikubwa viwili, kuna taarifa zingine za kwamba kwa mara ya kwanza unaweza ukatumia ‘Voice Filters’ (Kubadili sauti) bila ya kuwa umevaa ‘lense’
Vipengele hivi bado havijatoka kila kona ya dunia ila kaa tayari kuvipata kwa siku chache zijazo.