Hatimaye Spotify yaweka mashairi ya nyimbo kwa wakati halisi kwa watumiaji wa kimataifa

Baada ya miaka mingi ya kupuuza mahitaji ya watumiaji wa mashairi ya nyimbo za ndani ya programu, hasa nchini Marekani, Spotify imetangaza leo kuwa itatengeneza kipengele kipya cha Nyimbo kupatikana kwa watumiaji wote wa kimataifa, bila malipo na kwa malipo, kwenye majukwaa yake.

Kipengele hiki kinatolewa na mtoa huduma za nyimbo Musixmatch kwa kuongeza mkataba wake wa awali aliokuwa nao na Spotify wa kutoa mashairi ya nyimbo kwa watumiaji nchini India, Amerika Kusini na Kusini-mashariki mwa Asia.

Mwaka jana, Spotify ilianzisha kuweka mashairi ya nyimbo katika muda halisi wa mziki kwa watumiaji katika masoko 26 duniani kote, baada ya kujaribu kipengele hicho mwaka wa 2019. Hii ilikuwa mara ya kwanza masoko 22 kati ya 26 kupata usaidizi wa aina yoyote ya nyimbo. alisema wakati huo. Mpango huo baadaye ulipanuka hadi masoko 28. Watumiaji wa Spotify nchini Japani pia wameweza kupata mashairi ya nyimbo kupitia makubaliano ya pekee na SyncPower.

Spotify imesema kuwa kipengele hicho cha kuonyesha mashairi ya nyimbo kitapatikana katika vifaa vyote vya kielektroniki ikiwemo PlayStation 4, PlayStation 5, Xbox One, Android TV, Amazon Fire TV, Samsung, Roku, LG, Sky na Comcast.

Habari hii imeleta furaha kubwa kwa watumiaji wengi wa spotify na pia kuondoa faida ya kiushindani iliyokuwepo kwa washindani wa spotify. Jukwaa la spotiy limekuwa likitoa huduma ya kusikiliza miziki kupitia mtandao kwa muda mrefu sasa na kujikusanyia watumiaji takriban milioni 172 kwa ripoti ya mwaka 2020.

Chanzo: Techcrunch   

Endelea kutembelea tovuti yetu kujifunza zaidi kuhusu teknolojia na matumizi yake. Soma makala zetu zingine hapa.