Hili kwa muda mrefu lilikua ni changamoto, na kama hukufanya back up ndio ilikua changamoto kabisaaa. Kwa sasa WhatsApp wamepata muarobaini juu ya hili.
Ni kwamba utaweza hamisha taarifa za maongezi yako yote; yale binafsi na hata yale ya makundi kutoka katika kifaa chako cha Android Kwenda iOS au kinyume chake.
Hii imekaa poa maana jinsi soko la simu janja linavyozidi kukuwa ndio hivyo hivyo watumiaji wanzidi kupata chaguzi nyingi za simu janja hali ambayo inaweza kuwafanya wahame katika simu zao wanazotumia na kwenda katika zingine.
![App Ya Smart Switch](https://teknolojia.co.tz/wp-content/uploads/2021/08/App-Ya-Smart-Switch.jpg)
Ukiachana na hayo, unaweza kujiuliza kuwa ni namna gani unaweza hamisha ‘chat’ za WhatsApp na kwenda katika kifaa kingine kabisa (iOS kwenda Android)……
……japokuwa kwa zamani au tulivyozoea ni kwamba ilibidi tufanye ‘back up’ mtandaoni ili ndio tuliwezeshe swala hili.
Kutokana na taarifa katika mtandao wa TechCrunch ni kwamba hili linawezekana maana kinachofanyika ni kwamba, Samsung wenyewe wamenzisha App ambayo inaweza kuhamisha taarifa mbalimbali
App hiyo inajulikana kama Smart Switch ambayo ina uwezo wa kuhamisha taarifa kama vile taarifa za mawasiliano, picha, miziki, meseji, kumbukumbu fupi, taarifa za kalenda na mengine mengi katika vifaa vya Samsung.
Ukiachana na hayo ni kwamba hata taarifa za ndani katika App ya WhatsApp nazo zitaweza kuhamishika kwenda katika kifaa kingine.
Kwa sasa huduma hii inapatikana katika vifaa vya Samsung tuu lakini hapo mbeleni itafika katika vifaa vingine vyote (Android Na IOS) hivyo zoezi hili litakuwa na urahisi kabisa.
Want to securely take your WhatsApp history from one platform to another? We’re working to make this possible starting with @SamsungMobile devices, and it’s coming to @Android and iOS phones soon.
— Will Cathcart (@wcathcart) August 11, 2021
Ili kutumia App hii na kufanikisha uhamishaji huo itabidi uchomeke USB katika simu mpya na simu ya zamani na kisha uingie katika App ya Smart Switch
Ukishafanikisha hilo simu janja mpya itakuambia uskani (scan) QR code katika simu janja ya zamani ili kuanza kuhamisha taarifa hizo. Ili taarifa hizo ziweze kuhama itakubidi uingie katika WhatsApp kwa kutumia simu janja yako mpya.
Kama nilivyosema App hiyo inaanza kupatikana katika baadhi ya vifaa vya Samsung kabla ya kwenda katika vifaa vingine, kwa wale wa Google Play Store mnaweza kuingia –> Hapa <– ili kuipakua.
No Comment! Be the first one.