fbpx

Honor, Huawei, simu

Huawei waiuza Biashara ya Simu za Honor, hazitatengenezwa na Huawei

biashara-ya-simu-za-honor-hazitatengenezwa-na-huawei

Notice: Trying to access array offset on value of type null in /home/teknoloj/public_html/wp-content/plugins/intelly-related-posts/includes/core.php on line 163

Sambaza

Biashara ya utengenezaji na uuzaji wa simu za Honor imeuzwa na kampuni ya Huawei. Kuanzia sasa simu zinazobeba jina hilo hazitatengenezwa wala kuuzwa na kampuni ya Huawei.

Katika uamuzi unaonekana kuja kutokana na madhara ya vikwazo walivyowekewa na serikali ya Marekani, kampuni ya Huawei imeamua kuuza biashara nzima ya utengenezaji na uuzaji wa simu zake maarufu za jina Honor kwenda kwa kampuni nyingine inayomilikiwa na wafanyabiashara mbalimbali nchini China.

Huawei waiuza Biashara ya Simu za Honor
Simu ya Honor: Kampuni mpya inayomiliki ‘brand’ hii kwa sasa inatambulika kama Shenzhen Zhixin New Information Technology Co.

 

Kutokana na vikwazo vya serikali ya Marekani tayari simu hizo zilionekana zitaathirika sana kimauzo na pia biashara hiyo ilianza kuathirika katika upatikanaji wa vipuri vya utengenezaji wa simu.

Kundi la wafanyabiashara waliokuwa wananufuika kutokana na uwepo wa simu hizi yaani wamiliki wa maduka mbalimbali na wale waliokuwa wanawauzia vipuri mbalimbali Huawei wamejumuika kwa pamoja na kutengeneza kampuni nyingine na kuiomba Huawei kuwauzia ili wasiathirike na madhara ya vikwazo vya Marekani.

INAYOHUSIANA  Fahamu Samsung Galaxy S6 na S6 Edge
simu za honor huawei
Kitengo cha Biashara ya simu za Honor tayari kilikuwa ni kitengo kinachojitegemea ndani ya kampuni ya Huawei

Tokea mwanzoni biashara ya simu za Honor ndani ya kampuni ya Huawei zilikuwa zikijitegemea kwenye utengenezaji na uendeshaji wa simu zinazobeba jina la Honor. Simu hizi zimekuwa zikilenga vijana, zikiwa ni simu za bei nafuu ila zenye muonakano mzuri.

Inasemakana Huawei wameuza biashara hiyo kwa takribani Dola Bilioni 15.2 za Kimarekani, yaani zaidi ya Sh. Trilioni 35 za Kitanzania.

Kwa wateja hii ni habari nzuri kwani wataendelea kupata simu za Android zenye huduma za Google na apps nyingine mbalimbali muhimu ambazo hazipo tena kwenye matoleo ya simu za Huawei kutokana na vikwazo vya Marekani.

Vyanzo: The Verge na vyanzo mbalimbali
Facebook Comments

Sambaza
0 Comments
Share
Tags: , ,

Notice: Trying to access array offset on value of type null in /home/teknoloj/public_html/wp-content/plugins/intelly-related-posts/includes/core.php on line 163

Mhariri Mkuu

Tunaandika kuhusu sayansi na teknolojia kwa kutumia lugha ya Kiswahili. | mhariri@teknokona.com |

Reply your comment

Your email address will not be published. Required fields are marked*