fbpx
TeknoKona Teknolojia Tanzania
Teknolojia

Barabara Itakayokuwa Inachaji Magari Yakiwa Yanapita Kujengwa Uingereza

Barabara Itakayokuwa Inachaji Magari Yakiwa Yanapita Kujengwa Uingereza

Spread the love

Teknolojia ya magari yanayotumia umeme (electric cars) imezidi kushika umaarufu katika nchi nyingi zilizoendelea, na kutokana na hili kuna harakati mbalimbali zinafanyika kuzidi kuwafanya watu wengi wanunua magari yanayotumia teknolojia hiyo na kuachana na yanayotumia mafuta.

Kwa muda mrefu juhudi nyingi zimekuwa ni kuona jinsi ya kuboresha uwezo wa chaji wa mabetri yake na uharaka wa kuyachajisha pale panapoitajika. Kumbuka inachukua muda mfupi zaidi kujaza mafuta tenki nzima wakati inaweza kuchukua masaa kadhaa kuchaji betri la gari linalotumia umeme.

Teknolojia hii haitakuwa inatumika kwa mara ya kwanza, tayari nchini Korea ya kusini kuna mji wenye barabara ya namna hii kwa ajili ya mabasi spesheli ya abiria yanayotumia umeme
Teknolojia hii haitakuwa inatumika kwa mara ya kwanza, tayari nchini Korea ya kusini kuna mji wenye barabara ya namna hii kwa ajili ya mabasi spesheli ya abiria yanayotumia umeme
SOMA PIA  Fahamu Tofauti ya POP na IMAP Katika Barua Pepe!

Pia kwa wastani gari lilojazwa mafuta tenki nzima lina uwezo wa kusafiri umbali mrefu zaidi bila kuongeza mafuta ukilinganisha na lile linalotumia umeme. Kutokana na hili shirika linalosimamia barabara za nchini Uingereza limejikita katika utengenezaji wa barabara spesheli zitakazokuwa zimeunganishwa na gridi ya umeme na kupitia vifaa spesheli vitakavyowekwa kwenye barabara na kingine chini ya magari yanayotumia umeme – basi betri za magari hayo zitakuwa zinapata umeme na kujichaji kila zinapokuwa zinapita katika barabara hiyo spesheli.

Muonekano wa jinsi barabara hizo zitatengenezwa. Barabara za kijani ndizo zitakuwa spesheli kwa ajili ya magari yanayoitaji kupita yakiwa yanajichaji

Muonekano wa jinsi barabara hizo zitatengenezwa. Barabara za kijani ndizo zitakuwa spesheli kwa ajili ya magari yanayoitaji kupita yakiwa yanajichaji

Uhamishaji huo wa umeme wa bila kushikanisha chochote, yaani ‘wireless’ utategemea utumiaji wa teknolojia ya ‘electronic magnetic.

Serikali ya Uingereza imetenga utumiaji wa takribani Tsh Trilioni 1.6 katika kuwezesha utengenezaji wa barabara hizo ndani ya miaka 5.

Teknolojia ya magari yatumiayo umeme badala ya mafuta ya petrol au diseli katika uendeshaji wa injini za magari imejipatia umaarufu sana katika kipindi cha miaka hivi karibuni. Wapenda mazingira wakiisifu zaidi kwani haisababisha uchafuzi wa mazingira na pia watu wanaongalia miaka ya mbele wakisema ni jambo zuri kwani wanaamini mafuta kuna miaka yataisha kabisa na hivyo ni bora kuanza kuangalia katika teknolojia mbadala.

SOMA PIA  Rais JPM atamba kutumia mitandao yote ya simu

Soma Pia – Barabara ya Sola Yafunguliwa Uholanzi

Je una maoni gani katika hili? Endelea kutembelea mtandao wako namba moja kwa habari na maujanja ya kiteknolojia katika lugha ya kiswahili.

Comrade Mokiwa

Mbunifu na mpenda teknolojia.

Muanzilishi wa Teknokona, TechMsaada na Teknokona Group LTD - WWW.TEKNOKONAGROUP.COM

Muda wangu umegawanyika kati ya kazi kibunifu @teknokonagroup na uandishi wa habari za Teknolojia hapa Teknokona Blog.

| mhariri(at)teknokona.co.tz |

Comment

Leave a Reply

Your email address will not be published.

TeknoKona Teknolojia Tanzania