fbpx
Apple, IPhone, Kompyuta, simu

Apple na kufanya iPhone za zamani kuwa nzito, wapigwa faini nchini Ufaransa

apple-iphone-za-zamani-kuwa-nzito-faini-ufaransa
Sambaza

Katika mwaka 2017 baada ya malalamiko ya watu ya muda mrefu, Apple walikubali ya kwamba huwa wanafanya iPhone za zamani kuwa nzito. Ila walisema wanafanya hivyo kwa sababu tofauti, si ya kulazimisha mauzo ya simu mpya.

Watu wengi walikuwa wanaamini Apple wanafanya hivyo ili kupandisha mauzo ya simu zao mpya.
Apple walivyojitokeza na kukubali ya kwamba huwa wanafanya simu hizo kupunguza ufanisi, walikuja na hoja ya kitofauti. Walisema wanafanya hivyo si kwa sababu ya kuongeza mauzo ya simu mpya bali ili kuhakikisha simu hizo za zamani zinaendelea kufanya kazi vizuri bila kuleta matatizo kwenye betri ambazo zinakuwa tayari zimeshaanza kuchoka.
iphone za zamani
iPhone za zamani: Ufaransa waipiga Apple faini ya dola milioni 27 kwa kutowapa taarifa watumiaji wa iPhone nchini humo kuhusu upunguaji wa ufanisi wa simu zake. Hii ni zaidi ya bilioni 62 ya Tsh.
Hivyo sababu yao ilikuwa wanafanya hivyo ili kuwalinda watumiaji wao dhidi ya milipuko ya betri inayoweza sababishwa na mahitaji makubwa mapya ya programu endeshaji za kisasa dhidi ya mabetri kwenye simu ambazo zimetoka miaka 2 au zaidi nyuma.
Chombo cha kuwalinda watumiaji na kusimamia ushindani wa kibiashara/bidhaa nchini Ufaransa, DGCCRF kimesema wanapiga faini Apple kwa kuwa uamuzi huo ulifanyika bila kuwataarifu wateja wao.
Uamuzi huu unaweza kuigwa kwenye vyombo vingine vya kisheria katika mataifa mengine na hivyo kusababisha malipo zaidi kutoka Apple kwenda vyombo vya kisheria katika mataifa mbalimbali hasa hasa ya Ulaya.

Je kuna njia ya kufanya simu isiathirike na suala hili ata kama imetoka miaka miwili au zaidi nyuma?

iphone za zamani iphone 5 6 7
Apple wamesema programu endeshaji yao itapunguza ufanisi wa simu kwa kiasi flani kulingana na hali ya betri kwa wakati huo. Kuna watafiti ambao wamegundua ata kubadili betri tu la simu ambayo tayari imeanza kuwa nzito kunaongeza ufanisi kwa kiasi kikubwa kwenye simu husika.

Hii inaonesha ata kama una iPhone ya miaka kadhaa nyuma, kama vile iPhone 6 au 6S, ili kuhakikisha simu yako ina ufanisi mzuri hakikisha tuu betri lake halijatumika sana. Usipofanya hivi basi tegemea kuona iPhone yako inakuwa nzito kiasi flani kama ni ya miaka miwili au zaidi nyuma.

Facebook Comments

Sambaza
INAYOHUSIANA  Utaweza Kubackup Kompyuta Nzima kupitia Google Drive
0 Comments
Share
Tags: , ,

Mhariri Mkuu

Tunaandika kuhusu sayansi na teknolojia kwa kutumia lugha ya Kiswahili. | mhariri@teknokona.com |