Katika tukio kubwa la Meta Connect 2024, la tarehe 25 Septemba, Meta wamiliki wa WhatsApp, Facebook na Instagram, walitambulisha maendeleo ya teknolojia yao ya Akili Mnemba/Bandia (AI) pamoja na vifaa mbalimbali vipya vinavyotarajiwa kubadilisha jinsi tunavyoshirikiana na ulimwengu wa kidijitali (metaverse).
Mkurugenzi Mtendaji, Mark Zuckerberg, aliongoza tukio hilo kwa kufafanua mipango ya Meta ambayo imejikita katika maeneo makuu mawili: AI na metaverse.
Miwani ya Orion: Mapinduzi katika teknolojia za Augmented Reality (AR)
Utambulisho wa miwani inayokwenda kwa jina la Orion ni moja ya kitu kilichowavutia zaidi watu. Miwani hii inachanganya mazingira ya kawaida yanayoonekana na ulimwengu wa kidigitali kupitia teknolojia ya Augmented Reality (AR). Miwani ya Orion ina uwezo wa kufuatilia mikono na macho yako, na hivyo kukupa uwezo wa kutumia kompyuta yake kwa urahisi. Hii ni teknolojia ambayo inatarajiwa kubadilisha jinsi tunavyotumia vifaa vya AR katika maisha yetu ya kila siku.
Kioo chake (lens), kimebeba teknolojia mbalimbali za kidigitali zinazomuwezesha mtumiaji kuweza kuona vitu vya kidigitali na wakati huo huo kuweza kuona mazingira aliyopo.
- Mtumiaji ataweza kuchagua vitu (kubofya) kwa kutumia macho yake – anapoangalia vitu.
- Kutakuwa na kifaa cha kuvaa kama saa cha mkononi pia, ambacho kitamuwezesha mtumiaji kutumia vidole na mkono wake katika kutumia kompyuta ya miwani hiyo.
Meta Quest 3S: (VR Headset)
Kupitia Meta Connect 2024 wametambulisha pia Meta Quest 3S, toleo la bei nafuu zaidi la kifaa chake cha Meta Quest 3. Kifaa spesheli cha teknolojia ya VR kinachowawezesha watumiaji kutumia huduma za kuangalia video, kucheza magemu na huduma zingine za video kwa mfumo wa VR. Kifaa hiki kitauzwa kwa dola 299 kwa toleo la 128GB na dola 399 kwa toleo la 256GB. VR hii ni moja ya VR za bei nafuu zaidi kwa mlinganisho wa thamani ya teknolojia na uwezo inayokuja nayo.
Kupitia teknolojia ya API (Ya kuwawezesha watengenezaji apps kutumia teknolojia za kifaa hicho), Meta wanategemea watengenezaji wa apps mbalimbali watazidi kuwekeza katika utengenezaji wa magemu na apps zingine kwa ajili ya kutumiwa kwenye VR zake.
Miwani ya Ray-Ban Meta: Urahisi wa Maisha ya Kidijitali
Pia wametambulisha muendelezo wa miwani zao za Ray-Ban Meta. Kuna ongezeka la apps zinazoweza kuendeshwa kupitia teknolojia ya miwani hizo, hii ni pamoja na app za Spotify na Amazon Music.
Maboresho ya AI: Llama
Meta just announced a ton of new AI announcements across Meta AI, Llama, Ray-Bans, and more.
Here’s everything important announced live from here @ Meta Connect:
1. Meta AI is getting its own voice mode! pic.twitter.com/AF52eif5Fr
— Rowan Cheung (@rowancheung) September 25, 2024
Meta pia imetangaza maboresho zaidi ya teknolojia yake ya Akili Mnemba (AI) inayotambulika kwa jina la Llama. Teknolojia hiyo ambayo inafanana na teknolojia kama za ChatGPT na Gemini, bado haijaanza kupatikana kwa watumiaji wa nchini Tanzania. Kupitia tukio la Meta Connect waliweza kutambulisha uwezo wa huduma hiyo kutambua sauti, na kuelezea mambo kwa sauti. Pia kwa sasa huduma hiyo inaweza kutambua picha, uwezo ambao huduma zingine kama ChatGPT tayari zimekuwa nazo kwa muda mrefu sasa.
Una mtazamo gani juu ya uelekeo huu wa Meta katika uwekezaji wa huduma na vifaa vya teknolojia? Hii ni nje ya eneo lao kuu la mitandao ya kijamii.
No Comment! Be the first one.