fbpx
TeknoKona Teknolojia Tanzania
Apple

Binti wa Miaka 12 Ataka Kumuua Mama kwa Sumu Kisa iPhone

Binti wa Miaka 12 Ataka Kumuua Mama kwa Sumu Kisa iPhone

Spread the love

Binti wa miaka 12 huko Marekani (Colorado) anashikiliwa na polisi baada ya kujaribu kumuua mama yake mara mbili kwa sumu kisa iPhone. Binti huyo alimuwekea mama yake sumu ya ‘Bleach’ kisa mama yake kumpokonya iPhone yake siku chache kabla ya tukio hilo.

Ilikuwaje?

Mara ya kwanza mama huyo kugundua kinywaji chake cha aina ya ‘smoothie’ kunukia harufu ya ‘Bleach’ alipotezea kwa kuzani mtoto wake hakuosha vizuri kikombe alichompea kinywaji hicho.

SOMA PIA  iPhone zinazokuja kuweza kuchaji bidhaa nyingine za Apple

Mara ya pili mama huyo akakutana na harufu ya bleach kwenye jagi la maji chumbani kwake pale alipotaka kunywa, hapo ndipo alipohisi kuna ualakini.

Bleach ni mchanganyiko wa sumu kali ambayo huwa inatumika katika kusafisha, kutoa rangi na kung’arisha zaidi vyombo na vitu vingine mbalimbali.

Mama huyo alitoa taarifa polisi alipokuwa anatibiwa hospitalini. Polisi wamesema baada ya kumkamata binti huyo na kumuhoji amekubali kuwa alikuwa anataka kumuua mama yake kama kisasi kwa kumpokonya simu yake ya iPhone. Binti huyo anashikiliwa katika gereza la watoto na inategemewa atafikishwa katika mahakama ya watoto kwa kosa la kujaribu kuua.

Watoto pia wanaona ni haki kumiliki simu siku hizi. Je wanazitumiaje?

Watoto pia wanaona ni haki kumiliki simu siku hizi. Je wanazitumiaje?

Wengi wamegawanyika katika jambo hili, wengine wakisema mama amefanya makosa kuwahusisha polisi na kwamba jambo hili lingemalizwa kimalezi zaidi. Pia wengine wanasema alifanya kosa kumpokonya kama alimnunulia yeye mwenyewe.

SOMA PIA  Apple Watch Series 3 Kupigwa Chini Na Apple!

Je wewe unafikiri mama alikuwa sahihi kuripoti polisi? Tunakukumbusha, ukimpokonya mtoto simu yake, kuwa makini naye 🙂 wazungu wanasema ‘You Never Know!’, yaani ‘Uwezi Jua!’!

Endelea kusoma TeknoKona, na tafadhali kumbuka kusambaza makala kwa wengine pia 🙂

Comrade Mokiwa

Mbunifu na mpenda teknolojia.

Muanzilishi wa Teknokona, TechMsaada na Teknokona Group LTD - WWW.TEKNOKONAGROUP.COM

Muda wangu umegawanyika kati ya kazi kibunifu @teknokonagroup na uandishi wa habari za Teknolojia hapa Teknokona Blog.

| mhariri(at)teknokona.co.tz |

Comment

Leave a Reply

Your email address will not be published.

TeknoKona Teknolojia Tanzania