Kampuni inayoitwa Ideal Conceal imetengeneza bidhaa yake ya kwanza, bastola inayoweza kukunjwa na kuonekana kama simu-janja ndani ya kasha yake (kava). ‘Pistol’ hiyo ni ya .368 na inajikamata kisawasawa iwapo imefunguliwa, kufanya isichezecheze.
Ukiifunga, sehemu ya kufyatua risasi inafichwa barabara na mkono wako, na hivyo kuonekana kama simu-janja. Pia, kipo hata kishikio cha bastola hiyo cha kiunoni chenye muonekano wa kishikio cha smu-janja.
Simu hiyo ya kijanja itapatikana nchini Marekani. Kwa sasa na kwa maana nzuri zipo sheria zilizopitishwa na maeneo husika (majimbo) kuzuia au kudhibiti silaha zenye mfumo wa kufichika.
Tovuti ya yahoo.com inakariri meneo ya kwenye tovuti ya kampuni ya Conceal yanayosema kwamba, “Wazo la Ideal Conceal linaendana na ongezeko la mahitaji ya bastola ambazo watu wanaweza kubeba kirahisi kila siku. Kuanzia wakina-mama wa nyumbani na hata watu wa kazi maalumu za kila aina , hii bastola inakupa chaguo la kutokuwa mhanga.”
Kwa muda huu, pistol hizi bado ziko matengenezoni na hazijatolewa kwa ajili ya mauzo, hatahivyo, kampuni ya Ideal Conceal inategemea kuanza kuziuza katikati ya mwaka 2016. Kupitia mahojiano na CNNMoney, imejulikana kwamba mmiliki wa kampuni, Kirk Kjellberg amepokea barua pepe 2,500 kutoka kwa watu wanaotaka kununua silaha hiyo.
Je, unaoanaje ubunifu huu. Unakubaliana na kuwepo kwa silaha kama hizi nchini kwako? Una habari nyingine za ubunifu katika teknolojia kama hii?
One Comment
Comments are closed.