Twitter ambao wamekuwa wakifanya jitihada za kuboresha mtandao huo wa kijamii sasa wamefanya kitu kingine kwa machapisho mubashara kupitia huko.
Kwa wale ambao tunafuata kurasa kwenye Twitter ambazo mara kwa mara huwa wanapenda kurusha vitu ambavyo vinatokea muda huohuo (mubashara) basi usishangae kuona kurasa hizo ndio za kwanza kabisa kabisakwenye ukurasa wako.
Tafsiri ya kile kilichoboreshwa kwenye Twitter ni mara tu mtu ambae unamfuatilia akarusha matangazo mubashara basi utaweza kuona kile kinachoendelea kuhusu kile kilichochapishwa kwenye uso wa mbele kabisa.
Hatua hiyo inalenga kupunguza muda wa kuperuzi huku na kule kwenye Twitter kwa lengo la kutafuta matangazo yanayorushwa muda huohuo na yetote anayetumia Andoid au iOS ataweza kuona mabadiliko hayo.
Vyanzo: Engadget, iPhone in Canada