Baada ya kuandikwa sana kuhusu taarifa za Samsung kuja na simu yake ya mkunjo, hatimae kionjo cha namna simu hiyo itakavyokuwa na muonekano wake umeonyeshwa rasmi.
Kidokezo hicho cha muonekano wa simu janja ya mkunjo kutoka Samsung umeonyeshwa kwenye mkutano wa mwaka wa wakuzaji wa bidhaa za Samsung 2018 (SDC 2018) uliofanyika huko San Francisco, Marekani.
Ikikunjwa itakuwa na muonekano wa simu janja.
Hii ni ahadi iliyotolewa mwezi uliopita katika jiji la Kuala Lumpur wakati wa uzinduzi wa Galaxy A9, na DJ Koh, rais na Kkiongozi Mkuu Mtendaji wa Samsung kitengo cha simu za mkononi.
Simu hiyo ya Mmkunjo itakuwa na muunganiko wa bidhaa mbili kwa pamoja ambazo ni tabiti na simu janja. Ikikunjuliwa itakuwa na muonekano wa tabiti na ikikunjwa itakuwa na muonekano wa simu janja.
Pale itakapokuwa kunjuliwa na kuwa na muonekano wa Tabiti kioo chake kitakuwa na ukubwa wa inchi 7.3 na itakapokunjwa kioo chake kitakuwa na ukubwa wa inchi 4.6.
Itakapokuwa kwenye muonekano wa tabiti mtumiaji atakuwa na uwezo wa kufungua vitu mbalimbali kwa wakati mmoja na itaingia sokoni mwaka 2019.
Uhakika ni kwamba simu hiyo Angalia video fupi ya muonekano wa simu ya mkunjo kutoka Samsung hapo chini.
Timu ya uandishi wa Kona ya Teknolojia ingefurahi kupata sapoti yako ili iendelee kukuletea habari na maujanja mbalimbali.
Wezesha bando kwa kutuma kiasi chochote kupitia Selcom, kwenye simu yako bofya *150*50*1# kwenye namba ya malipo weka 60751369 jina litakuja TEKNOKONA.
