Kama vile tumeusahau mtandao wa kijamii wa MySpace!. Wakati sie tumeusahau Time Inc. wametangaza kuwa wataununua. Tangazo hili limetoka wakati Time Inc. ikiwa inatangaza mapato yake katika ripoti.
Kwa usahihi kabisa ni kwamba Time Inc imeinunua kampuni ya Viant ambayo inajihusisha na matangazo. Kampuni ya Viant mara ya kwanza kabisa ilikuwa inajulikana kama Interactive Media Holdings. Kampuni hiyo ya Viant inamiliki biashara zingine kibao na pia mwaka 2011 iliinunua MySpace kwa dola za kimarekani milioni 35.
Kabla hata ya Facebook haijapata umaarufu wake, Mtandao wa kijamii wa MySpace ndio uliokuwa tishio. Katika miaka ya 2000 mpaka nusu ya 2000 mtandao huo ulikua na watumiaji milioni 75.9 kila mwezi
Ununuzi huu unamaanisha au una maana kuwa kampuni ya Time Inc. itakuwa na uwezo wa kuchanganya wateja wake na data, njia ya matangazo na uchambuzi na Viant ili kutengeneza ‘Data Base’ ambayo italeta mapinduzi kwa Facebook na Google kwani ina mpango wa kuwa na matangazo bora kuliko kwa wateja wake.
Tangazo hili la kampuni ya Time Inc. kwamba itanunua kampuni ya MySpace na ‘kampuni mama’ inayomiliki MySpace linakuja baada ya ripoti ya kampuni hiyo kuonesha kuwa mapato yameshuka. Kwa miezi mitatu ambayo imeishia disemba mapato yalipungua kwa dola milioni 18 za kimarekani ambayo ni sawa na asilimia 2 ukilinganisha na mapato ya mwaka uliopita.
Japokuwa Viant ilinunua MySpace kwa dola za kimarekani milioni 35 bado haijajulikana Time Inc. italipa kiasi gani ili kumiliki kampuni hiyo.
Time Inc ni kampuni mama inayomiliki makampuni kama Time, Fortune, People, Entertainment Weekly, Sports Illustrated na mengine mengi — Inapata watembeleaji milioni 150 kila mwezi katika mitandao yake — Sasa inaweza ikaongeza mtandao huo wa kijamii wa MySpace katika nafasi zake.
No Comment! Be the first one.