Huduma ya kulipia kutoka Snapchat inayokwenda kwa jina la Snapchat Plus ilikua mwishoni mwa mwezi wa sita mwaka 2022.
Huduma hii, Snapchat Plus ni kama tuu Snapchat ya kawaida, ile tuliyoizoea lakini ikiwa imeongezewa baadhi ya vipengele vipya ambayo havipatikani katika ile ya kawaida.
Wengi walikua hawana uhakika juu ya huduma hiyo ya kulipia kupata wateja wengi ndani ya muda mfupi, hiki kimeshangaza wengi.
Kwa sasa Snapchat Plus imefanikiwa kupata wateja wanaolipia huduma hiyo wafikao milioni moja na namba hiyo bado inakua.
Kwe mwezi huduma hiyo inagharimu dola za kiamrekani 3.99 tuu na kupitia kiasi hicho kwa mwezi basi unaweza kupata huduma kadha wa kadha ambazo hazipatikani kabisa katika Spachat ya kawaida.
Kingine cha kujua hapa ni kwamba kampuni ilianzisha huduma hiyo mahususi kabisa katika kuhakikisha kuwa inaongeza vyanzo vyake vya mapato.
Ni wazi kuwa makampuni mengi ya kiteknolojia kwa sasa hayafanyi vizuri na mengi yamekua yakitafuta njia mbadala mbali mbali katika kuhakikisha kuwa zinakuza mapato yao.
Snapchat ni moja kati ya makampuni hayo ambayo ilikua inatapa tapa maana ilikua imeshafikia katika sehemu ya kupata mapato madogo sana na baadhi ya bidhaa zake zilikua hazipati soko sana kama ilivyotegemewa/ilivyokadiriwa.
Mambo yanaonekana kwenda vizuri tuu kwa mtandao huo na hapa hata wawekezaji wanaweza wakawa wanavutiwa zaidi tofauti na hali ilivyokua ikienda mwanzoni
Ningependa kusikia kutoka kwako, naindikie hapo chini katika eneo la comment, je hii umeipokeaje? Na je uko tayari kulipia katika mtandao huo ilimradi tuu upate huduma ya Snapchat Plus?
Kumbuka Kutembelea Mtandao Wako Wa TeknoKona Kila Siku, Kwani Daima Tupo Nawe Katika Teknolojia!.
Nifuate Kwenye Mitandao Yangu Ya Kijamii
Instagram | Facebook | Twitter | LinkedIn
No Comment! Be the first one.