Simu janja zetu mara nyingi ni zile ambazo ziko kama mayai – ukiiangusha inabidi ufumbe macho, usali kisha ndio uiokote – kama imenusurika kuvunjika kioo hongera zako. Lakini vipi kama kioo kizima kimevunjika? Wakati baadhi ya watu wakiofia jambo hili kuna wengine hawana wasi wasi kabisa
Kuna simu ambayo inatumia mfumo wa Android ambayo inaweza kukaa miaka na miaka na ikiweza kabisa kuhimili mikikimikiki na shuruba zingine zinazozikuta simu janja kama vile kuanguka.
Simu Hiyo inajulikana kama Fairphone 2, simu hii imetengenezwa kwa teknolojia ya aina yake ambayo inaweza himili karibia kila kitu
Simu Hii kwa ufupi iliandikwa kwenye makala ya: Simu 5 Za Ajabu Ambazo Ni Mbadala Wa Samsung Na Apple!
Pia kizuri katika simu hii ni kwamba inampa uwezo wa mtu wa kawaida kuweza kufungua bila ya kutumia kifaa chochote kwenye sehemu mbili ambazo ni rahisi sana kuharibika katika simu yoyote. Yaani katika skrini au betri, maeneo yote haya mawili mtumiaji anaweza akafungua na kurudishia vifaa (vipya) bila wasi wasi
Fairphone wenyewe wanasema kuwa wana imani kwa kupitia simu yao basi wateja wao watakuwa na mahusiano mazuri sana na simu zao. Je wewe una mahusino mazuri na simu yako sasa?
Kama unayo bila shaka utakuwa umeshaangalia kama simu yako ni feki au la
Simu hii ni ya ajabu kidogo sio? Ukilinganisha na zile simu janja tulizo zizoea sana. Usishangae lakini maana teknolojia inakuwa kwa kiasi kikubwa sana siku hizi. Kwa karne hii lolote linawezekana kupitia teknolojia
Niandikie sehemu ya comment hapo chini ukinielezea lako la moyoni kuhusu mapokezi yako juu ya simu hii. Pia kumbuka kutembelea mtandao wako pendwa wa TeknoKona kila siku. Kumbuka TeknoKona Daima Tupo Nawe Katika Teknolojia!.
2 Comments
Comments are closed.