Hapa kwa ufafanuzi ni kwamba kampuni ya microsoft imeinunua kampuni mama (ZeniMax Media) ambayo ndio kampuni inayomiliki Bathesda Softworks.
Bathesda Softworks Kwa haraka haraka wanajulikana kwa magemu yao ya Fallout na Doom. Licha ya Bathesda kununuliwa lakini bado itakuwa ni kampuni ambayo inajitegemea. mfano mzuri hapa ni kama tuu jinsi ambavyo linkedin inajitegemea baada ya kununuliwa na microsoft.
Kinachofanyika hapa ni kwamba timu nzima ya Bathesda na magemu yake itaenda kuongezea nguvu katika timu nzima ya Xbox. ZeniMax Media imenunuliwa kwa dola za kimarekani 7 nukta 5.
Manunuzi haya au nia ya manunuzi ilikuwepo na kutangazwa na Xbox tangia mwezi wa tisa mwaka 2020 lakini mpka mwaka 2021 ndio dili hili limekamilika. Mpaka sasa hili ndio dili linalohusisha pesa nyingi katika historia ya megemu.
Hii inamaana kuwa magemu mengi sana ya Bathesda yataanza kupatikana rasmi katika Xbox na pia kingine ni kwamba Microsoft inasema kwamba watu wajiandae kwani magemu mengine yapo njiani kuja, Watu wajiandae kwa magemu yenye majina mapya kabisa!
Kulingana na ununuzi huu bado pande zote mbili zinakiri kuwa hakutakuwa na mabadiliko makubwa kwa pande zote mbili lakini kutakuwa na utumiaji wa kwa pamoja wa rasilimali za kampuni zote mbili.
Ningependa kusikia kutoka kwako, wewe ununuzi huu unafikiri utaleta chachu gani katika soko la magemu duniani, ni wazi mpaka sasa playstation ndio ambao wameliteka soko hili kwa kiasi kikubwa.
Niandikie hapo chini sehemu ya maoni na pia usisite kutembelea mtandao wako pendwa wa TeknoKona kila siku kwani daima tupo nawe katika teknolojia!
Chanzo – Xbox
No Comment! Be the first one.