Kuhariri (Ku-edit) picha ni kitu cha kawaida sana.. kumbuka unaweza ukataka kuhariri picha zako ambazo ulipopiga hazikutoka vizur. Kabla ya kuzitupia katika mitandao ya kijamii unaweza ukaongeza vitu kama vile rangi, mwanga n.k
Sasa ni App gani ambazo inaidi uzitumie ili kukuwezesha kufanya hili? App ziko nyingi, kuna zile ambazo zinauzwa na kuna zile za bure kabisa…… ni wazi kuwa wengi wetu tunapenda zile za bure sio?
Leo TeknoKona inakuletea listi ya App hizo ambazo unaweza ukatumia kwenye masuala ya picha zako.
-
SnapSeed
Hii ni moja kati ya App bora kabisa ambayo nimeshawahi kuitimia katika swala zima la kuhariri picha, App hii ina vipengele vingi ambavyo kwa namna moja au nyingine vitakuhakikishia kuwa unapata picha kali kabisa.
Snapseed inamilikiwa na Google, ndani unaweza ukapata vipengele kama HDR na filter’ zingine za kutosha, rangi n.k… kingine kikubwa ni kwamba ni ya bureeeeeeeeeeee!
-
Lightroom
Sasa hii baadhi ya vipengele unaweza ukavipata bure lakini ukitaka kupata mzigo mzima huna budi kuongeza dola 5 za kimarekani kwa mwezi.
Kama ulishawahi kuona au kutumia Adobe Lightroom katika PC basi hii ni App yake ya simu.. humu utapata kutumia vitu vingi kama mtaalamu na haya yote yatakufanya mwisho wa siku utoke na picha kali sana!
Vitu kama emoji na stika zingine sio kabisa vya kuvitegemea humu lakini mambo mengine mengi tuu unaweza kuyapata, kingnie cha kuvutia ni kwamba unaweza ukaanza ku’edit kwenye kifaa kimoja na ukamalizia kwenye kingine kwa kuwa picha zinaweza kujuhifadhi kwenye hifadhi yake ya kimtandao (Cloud)
-
Adobe Photoshop Express
Hii haina tofauti kubwa sana na Lightroom lakini kuna tofauti kidogo, vipengele kama hifadhi ya kimtandao (cloud) huwezi kuvipata humu.
Adobe Photoshop Express haina mambo mengi kabisa, ni moja kati ya App ambazo ni rahisi kabisa kutumia ukiwa unahariri picha zako. Hii pia inapatakana katika masoko ya android (PlayStore) na iphone (AppStore) bure kabisa
-
VSCO
Baadhi ya vipengele ni bure kabisa ila ukitaka kupata mzigo wote inagharimu dola 20 kwa mwaka. App hii naweza sema imejikita sana katika swala zima la mionekano (presets) katika picha
Mambo kama Filter na aina nyingine ya mionekano kama vile ‘black and white’ utaipata ya kutosha kabisa. Ijaribu kuitumia kapokua imekaa kitaalamu zaidi kama vile lightroom
-
PicsArt
Na hii pia ina vipengele vingi vya bure lakini pia ukitaka kupata mzigo wote kwa dola 48 kwa mwaka. App hii inakupa vipengele vingi vya kucheza navyo katika picha zako.
PicsArt pia ni mtandao wa kijamii kama vile Instagram, kwamba unaweza piga picha, ukai’edit’ na kui’share katika mtandao huo.
No Comment! Be the first one.