fbpx
Teknolojia, YouTube

Youtube yazidi kuwawekea ngumu wenye msimamo mkali

youtube-yazidi-kuwawekea-ngumu-wenye-msimamo-mkali
Sambaza

Youtube imetangaza kuzidi kuwawekea ngumu watu wenye misimamo mikali ambao wamekuwa wakichapisha video zenye maudhui ya kuhamasisha misimamo mikali katika mtandao huo.

youtube youtube yazidi kukawekea

Hatua hii imekuja baada ya mtando huu kuendelea kukosolewa kwa kutodhibiti watu wenye msimamo mkali katika mtandao huo.

Watu wenye misimamo mikali ya kibaguzi kidini na kiimani wamekuwa wakitumia mtandao huu kueneza misimamo yao, hili limepelekea matatizo mengi pamoja na ugaidi wa kisasa ambapo mtu haitaji kwenda mahali fulani kuwa na msimamo mkali bali ni kompyuta na intaneti tu.

INAYOHUSIANA  IFA 2017 kufanyika kuanzia Septemba 1-6 jijini Berlin

Kwa muda mrefu serikali za nchi mbalimbali zimekuwa zikihimiza mitandao (Youtube ikiwemo ) kufanya jitihada kuzuia misimamo mikali, kwa upande wao Youtube wamekiri kwamba bado hawajafanikiwa lakini wanafanya kila linalowezekana kuzuia vitu vya misimamo mikali kusambazwa katika kurasa zao.

Youtube inafanya nini kuwazuia watumiaji wenye msimamo mkali kusambaza imani zao?

kwa mujibu wa bandiko lililowekwa katika blog ya Google; Youtube inatarajia kuongeza  wataalamu wanaojitegemea katika program yao ya kugundua video zinazo kiuka taratibu, pia kwa kutumia teknolojia ya kufananisha picha video zote ambazo zilipigwa marufuku (kipindi cha nyuma) zitakataa kupakiwa tena katika mtandao huo ili kuzuia video ambazo zilikwisha fungiwa kusambazwa tena.

INAYOHUSIANA  Google Pay: Kadi kwa ajili kuweza kufanya malipo

Kama hiyo haitoshi mtandao huu umepanga kupanua makundi yake ambayo yanapambana na usambazwaji wa misimamo mikali, bandiko hilo  limesema pia wataongeza msimamo juu ya video zote ambazo zina maoni yenye msimamo mkali.

Endelea kufatilia mtandao wako Teknokona kwa habari mbalimbali za Teknolojia katika lugha yako ya Kiswahili.

 

Facebook Comments

Sambaza
0 Comments
Share

Notice: Trying to access array offset on value of type null in /home/teknoloj/public_html/wp-content/plugins/intelly-related-posts/includes/core.php on line 163

Nickson