Watumiaji wa Apple Watch wafikia milioni 100 duniani kote, jambo linalofanya Apple Watch kuwa aina ya kifaa cha nne cha Apple kuwa na watumiaji wengi zaidi.
Apple Watch ni saa janja kutoka Apple inayotumia programu endeshaji spesheli ya kwa ajili ya kufanya kazi na vifaa vya Apple.
Data zinaonesha kwa kuwa na watumiaji milioni 100, saa ya Apple Watch imekuwa aina ya kifaa cha nne kwa watumiaji wengi zaidi, simu za iPhone zikianza, zikifuatiwa na iPad na kisha kompyuta za Mac.
Hivi karibuni ununuaji na utumiaji wa saa janja umepanda kwa kasi kutokana na kushuka kwa bei ya matoleo ya nyuma, na pia kuja kwa matoleo mapya yenye bei rafiki kwa makundi ya aina mbalimbali. Data za Statistica zinaonesha saa janja za Apple Watch zinashika asimilia 55 ya soko la saa janja/au vifaa vya elektroniki vya kuvaliwa (smart wearables).
Hii ni habari njema kwa Apple kwani ina maanisha watumiaji wengi zaidi wa iPhone wanaanza kuona saa za Apple Watch kama moja ya kitu cha kukamilisha pale mtu anapomiliki simu ya Apple. Data zinaonesha pia kufikia mwisho wa mwaka 2022 watumiaji wa saa hizo watawapita watumiaji wa kompyuta za Mac.
Chanzo: 9to5Mac na vingine mbalimbali
No Comment! Be the first one.