Wasouth Afrika Wawadhalilisha Wanaigeria kwa Maagizo Feki kwenye Bolt na Uber na Kuvuruga Huduma za Bolt na Uber kwa Maagizo Feki

Hivi karibuni tumeshuhudia mgogoro wa ubaguzi kupitia mifmu ya kidigitali ukiendelea, Huku Wanaigeria wanaoendesha huduma za usafiri mtandaoni kama Bolt na Uber wanakabiliwa na shambulio jipya kutoka kwa watu wa Afrika Kusini.

Mapema wiki hii, raia wa Afrika Kusini walianza kutumia programu za Bolt na Uber kuagiza safari kutoka maeneo tofauti nchini mwao, lakini lengo lao lilikuwa si kupanda gari, bali kuwafanya madereva wa Nigeria wapoteze muda, mafuta, na juhudi zao. Walipofika kwenye maeneo ya kuchukua abiria, walikuta safari hizo zimefutwa bila sababu, hali iliyoleta hasira na huzuni kwa madereva.

Lakini ubaguzi huu haukuishia hapo. Katika mazungumzo ya matusi yaliyojaa kejeli, Wanaafrika Kusini walitumia lugha zao za kienyeji kuwavunjia heshima Wanaigeria, wakirejelea tukio la hivi karibuni ambapo Chidimma Adetshina, Msouth Afrika mwenye asili ya Nigeria, alijiondoa kwenye shindano la urembo la Miss Universe South Africa kufuatia mashambulizi ya chuki dhidi ya wageni. Matendo haya ya kudhalilisha yamekuwa njia ya wazi ya kuonyesha chuki na ubaguzi dhidi ya Wanaigeria wanaotafuta riziki kupitia huduma hizi za usafiri.

Wanaigeria, licha ya kukerwa na matendo haya, hawakuweza kubaki kimya. Walijibu mashambulizi kwa kutumia mbinu hiyo hiyo ya kuagiza safari feki, lakini safari hii wakichangia mazungumzo ya muda mrefu na madereva wa Afrika Kusini, wakiwaelekeza maeneo yasiyo halisi na kuwachezea akili. Hata hivyo, ingawa walijaribu kulipiza kisasi, hasira na madhara yalibaki kuwa makubwa kwa pande zote.

Je, Teknolojia Inachochea Ubaguzi?

Hali hii inafichua jinsi teknolojia inaweza kutumiwa vibaya kwa ajili ya kuendeleza chuki na ubaguzi. Programu za Bolt na Uber, ambazo kimsingi zilitengenezwa kurahisisha usafiri na kuleta watu pamoja, sasa zinatumika kama jukwaa la kudhalilisha na kutenganisha jamii. Kwa upande wa Afrika Kusini, matendo haya yanaonyesha jinsi hisia za ubaguzi bado zinavyokita mizizi, hata katika zama hizi za kidigitali.

Ni wazi kuwa, kampuni za Bolt na Uber zinahitaji kuchukua hatua za haraka kuzuia mianya ya matumizi mabaya ya programu zao. Ubaguzi wa aina yoyote haupaswi kuvumiliwa, na ni muhimu kwa majukwaa haya kuhakikisha usalama wa watumiaji wake na kuzuia matendo ya dhuluma kama haya.

Kwa sasa, vita ya ubaguzi inaendelea, na ni jukumu la kila mmoja wetu kusimama dhidi ya matendo haya ya kudhalilisha na kuhamasisha umoja na ushirikiano, badala ya chuki na mgawanyiko.