Kuna aina na makundi mbalimbali ya vifaa vya kielektroniki ikiwemo vifaa vya kielektroniki kwa ajili ya urembo. Katika kundi hili la vifaa vya kielektroniki utakutana na vitu mbalimbali ambavyo unaweza kuvitumia kujiremba sehemu kadha wa kadha za mwili kama kucha na nywele.
Wadada wengi wanapenda kutunza nywele, kucha, pamoja na ngozi zao hivyo kupitia baadhi ya vifaa vya kielektroniki wanaweza kufanya hivyo na kupendeza. Miongoni mwa vifaa hivyo vya kielektroniki ni pamoja na:
Kikausha Nywele (Hair Dryer): Hiki ni kifaa cha kielektroniki maalum kwa ajili ya kuzikausha nywele na mara nyingi hutumiwa na wadada wenye nywele ndefu. Kifaa hiki kinafanya kazi kwa kupuliza hewa kwenye nywele ili kuziongezea kasi ya kukauka.
King’arisha kucha (Nail Polisher): Hiki ni kifaa cha kielektroniki kinachotumika kungarisha kucha kwa kuzimulika na mionzi ya mwanga. Mionzi inayotumika katika vifaa hivi ni salama kiafya na pia hulenga kungarisha ile rangi iliyopakwa kwenye kucha ili zipendeze zaidi.
Kisugua uso (Face scrub): Kifaa hiki hutumika kuusugua uso ili kuondoa makunyanzi na kuifanya ngozi ya uso kuwa laini. Mara nyingi watengenezaji wa kifaa hiki huweka ukubwa tofauti tofauti wa kisugulio pamoja na kuweka kasi tofauti tofauti ya usuguaji ili mtumiaji aweze kuweka vipimo atakavyoridhika navyo binafsi.
Kinyoosha Nywele (hair straightener): Kifaa hiki pia huja kwa aina mbalimbali tofauti. Kifaa hiki hutumika kunyooshea nywele zako kwa kuzipasha moto kidogo ili ziweze kunyooka bila kukatika wakati wa unyooshaji. Watengenezaji wa kifaa hiki huweka aina tofauti za vipasha joto ili mtumiaji uweze kuchagua kulingana na namna unavyotaka nywele zako zinyooke.
No Comment! Be the first one.