WhatsApp Business imekuwa msaada mkubwa kwa watu wengi hasa wale wanaopenda kutenganisha mawasiliano ya kawaida na yale yanayohusiana na biashara bila kusahau maboresho ambayo yamekuwa yakifanyika huko.
Wengi ambao wanatumia WhatsApp ambayo imetengezwa kwa maudhui ya kibiashara wanafahamu namna mtu anavyoweza kuweka taarifa mbalimbali zinazohusu kitu anachokifanya (biashara). Inawezekana kuweka picha halikadhalika bei ya bidhaa husika pamoja na muda wa kazi, n.k.
Zipo taarifa kuwa WhatsApp Business inaboreshwa na hivyo na kipengele ambacho kitamuwezesha mtumiaji kuweza kuweka picha ya nyuma (cover); kama ambavyo tunaweza kufanya hivyo kwenye Facebook lakini pia mitandao mingine ya kijamii. Ziada ya hiyo pia upo mpango wa kuongeza kitufe cha “Kamera” ambapo mtu atakuwa na uwezo wa kuamua kupiga picha mpya/kuchagua kutoka kwenye simu.
Picha hiyo ya nyuma itakuwa inaonekana kwa mtu yeyote ambae atatembelea akaunti yako ya WhatsApp inayohusu biashara na ingawa kiambatanisho hicho kwa mujibu wa WaBetaInfo inaonyesha kuwa picha hiyo ilipigwa kwenye iPhone lakini maboresho hayo yatafika mpaka kwa aina hiyo ya WhatsApp upande wa Android.
Je, ni lini kitaanza kupatikana?
Bado haifahamiki ni lini kipemgele hicho ndani ya WhatsApp Business kitaaanza kupatikana kwenye Android/iOS kwani kwa sasa bado kipo katika hatua za kukitengenza.
Watumiaji wa WhatsApp Business habari hii ya uwezekano wa kuweka picha ya nyuma inatoa taswira gani kwa muonekano iwapo kitu hicho kitapelekwa huko? Tupe maoni yako.
Chanzo: WaBetaInfo
Other Articles
One Comment