Facebook ni mtandao wa kijamii ambao una watumiaji wengi zaidi duniani lakini hivi karibuni kwa mara ya kwanza katika kipindi cha miaka kumi na minane (18) takwimu zimeonyesha watu wanaoitumia wamepungua.
Kuna mengi ambayo Facebook imeyapitia katika miaka ya karibuni na hasa baada ya kukutwa na kashfa mbalimbali kitu kilichosababisha wenye mamlaka kutafuta mbinu za kuwabana wenye makampuni makubwa kwa lengo la kuwalinda wanaoitumia.
Kutokana na sheria mpya ndani ya Ulaya za kutaka makampuni ya teknolojia yanapokusanya data za watu ndani ya umoja huo, zichakatwe na kutunzwa kwenye kompyuta zenye uwezo wa hali ya juu zilizopo ndani ya umoja huo. Sasa kompyuta ambazo zinahifadhiwa data za Facebook na Instagram zinachakatwa kote Marekani na Ulaya.
Meta ndio inayoangalia hizo kompyuta zinazohifadhi data za Facebook na Instagram za Ulaya ambapo kwa jinsi mambo yalivyo hivi sasa wanafanya kinyume na ambavyo inatakiwa kuwa.
Suala za data za watumiaji wa Facebook na Instagram kuhifadhiwa/kuchakatwa Marekani na Ulaya ni jambo lenye ugumu wake kutokana na matangazo kwenye mitandao hiyo ya kijamii kuwalenga watu hao.
Kutokana na matakwa hayo mapya huenda Meta ikalazimika kusitisha huduma za Facebook na Instagram Ulaya kutokana na kwamba huenda ikashindwa kufanya kazi zake kama ambavyo inatakiwa kulingana na sheria mpya.
Timu ya uandishi wa Kona ya Teknolojia ingefurahi kupata sapoti yako ili iendelee kukuletea habari na maujanja mbalimbali.
Wezesha bando kwa kutuma kiasi chochote kupitia Selcom, kwenye simu yako bofya *150*50*1# kwenye namba ya malipo weka 60751369 jina litakuja TEKNOKONA.
Ni Mhariri Msaidizi na mtaalamu wa mambo yanayohusu kompyuta. Pia ni mmoja wa wafuasi wakubwa katika teknolojia; Dunia ya sasa inaendeshwa kwa teknolojia.
Wasiliana nami kupitia |ericmato@teknokona.com|
No Comment! Be the first one.