fbpx
TeknoKona Teknolojia Tanzania
Kompyuta Teknolojia WhatsApp Desktop

Uwanja mpana wa kuona picha kwenye WhatsApp Desktop

Uwanja mpana wa kuona picha kwenye WhatsApp Desktop

Spread the love

WhatsApp Desktop imekuwa ni mkombozi wa watu wengi tuu ulimwenguni ambao kazi zetu zinategemea matumizi ya kompyuta hivyo kufanya uwezekano wa kushika simu na kujibu jumbe kuwa mdogo.

Kwa wale ambao tunatumia WhatsApp Desktop kwenye maisha yetu ya kila siku tunafahamu jinsi ambavyo imetusaidia kuokoa vifurushi vyetu vya intaneti kwani si lazima simu iwe na kifurushi cha intaneti kwenye simu ili mtu aweze kupokea/kujibu jumbe za WhatsApp kupitia kompyuta ambayo ni lazima iwe imeunganishwa na intaneti.

SOMA PIA  SanDisk Watangaza Micro SD Card Yenye GB 200!

Njia hii ya mawasiliano ya WhatsApp imekuwa ikifanyiwa maboresho kila pale ambapo inaonekana ni wakati sahihi kupeleka masasisho hayo kwa watumiaji wake. Binafsi ni mtumiaji wa WhatsApp Web/desktop na hivi karibuni nimeona maboresho ambayo yamefanyika kwa kufanya uwanja kuwa mpana kwa mtumiaji kuweza kukiangalia kwa ukubwa kile ambachoanataka kumtumia mhusika.

Hivi sasa watumiaji wa WhatsApp kupitia kompyuta wanaweza kufurahia uwanja mpana unaotoa nafasi ya kuona kitu vizuri kabla ya kukituma kwenda kwa mtu mwingine.

WhatsApp Desktop imerahisisha mambo mengi ambayo kwa kiasi fulani unaweza usijutie iwapo itatokea ukasahau simu yako nyumbani huku asilimia kubwa ya watu unaofanya nao mawasiliano ni kwa njia ya WhatsApp na unaweza ukafanikisha hilo iwapo utakuwa na kompyuta.

SOMA PIA  FIFA: Teknolojia ya video kutumika kombe la Dunia 2018 Urusi

Yapo mengi ambayo tutazidi kuwahabarisha kuhusiana na hiki ambacho nimekizungumzia leo. Hili la maboresho ya uwanja mpana ni sehemu tuu ya mengi ambayo bado hujayahafamu. Endelea kutufuatilia na hakika utafurahi.

Chanzo: WaBetaInfo

Mato Eric

Ni Mhariri Msaidizi na mtaalamu wa mambo yanayohusu kompyuta. Pia ni mmoja wa wafuasi wakubwa katika teknolojia; Dunia ya sasa inaendeshwa kwa teknolojia.

Wasiliana nami kupitia |ericmato@teknokona.com|

Comment

Leave a Reply

Your email address will not be published.

TeknoKona Teknolojia Tanzania