Asus wameendelea kutoa simu janja kutoka familia ya “Zenfone” ambapo mwaka huu wamekuja na toleo namba nane katika ule mwendelezo wao.
Katika uzinduzi huo ilikuwa sivyo ambavyo ilikuwa ikitarajiwa kwani pengine Zenfone 8 Mini ingezinduliwa pia lakini hilo halikutokea. Kilichofanyika ni kuweka bayana sifa za toleo la nane ambalo kwa haraka haraka lina mengi mazuri yakuvutia hasa kwenye ulimwengu huu wenye teknolojia inayokua kila siku. Sifa za Asus Zenfone 8 zimechambuliwa kama ifuatavyo kipengele kimoja hadi kingine:
Urefu/ubora wa kioo|Kipuri mama
Uzuri wa simu unachagizwa sana na nguvu yake ya ufanyaji kazi ambapo unarahisisha muda ambao kitu kinaweza kufanyika na kimsingi Asus wameweka Snapdragon 888 5G kwenye simu husika. Kioo ni Gorilla Glass Victus mbele, nyuma-Gorilla Glass 3 ikiwa na uzio wa alminium, kina ung’avu wa hali ya juu (Super AMOLED ya Samsung), chenye urefu wa inchi 5.9 (1080x2400px, 120Hz).
Diski uhifadhi|RAM
Kwa miaka mingi sasa wateja wengi ulimwenguni kote wanazingatia sifa za memori kutokana na ukweli kwamba rununu zinaweza kusimama kama mbadala wa vitu kadha wa kadha kwenye dunia hii ya kidijitali. Kwenye simu hii kuna GB 6/8/12/16 RAM kwa GB 128/256GB za diski uhifadhi.
Kamera|Betri
Kwenye dunia ya leo ukiwa na simu janja ambayo utunzaji wa chaji/nguvu yabetri ni ndogo hakika lazima uwe unaiweka kwenye chaji mara kwa mara. Kwenye hii Zenfone 8 ina 4000mAh (inachukua dakika 25 tu kufika 60%, unaweza kupanga ukomo wa kuchaji betri, kupanga muda wa kuongeza umeme kwenye betri), nguvu ya kuchaji haraka kwa 30W. Kwenye kamera Asus wamefanya kazi na Sony ambapo wamweka MP 64 na MP 16. Kamera ya mbele ina MP 12.
Bei|Mengineyo
Simu hiyo inatumia ZenUI 2021, Android 11, uzito wake ni gramu 169, WiFi 6/6E, Bluetooth 5.2, inatumia kadi mbili za simu, teknolojia ya kuchaji ni USB-C, USB Power Delivery 3.0, usalama wa kutumia alama ya kidole upo ndani ya kioo, Google Assistant, redio, NFC vipo, sehemu ya kuchomeka spika za masikioni, inatumia 5G. Bei yake inaanzia $599|zaidi ya Tsh. 1,377,700 kwa ughaibuni.
Simu hii pamoja Zenfone 8 Flip zina utofauti lakini pia kuna vipengele vipo sawa, sasa ni wewe kuchagua mbivu na mbichi. TeknoKona tupo hapa kila leo hivyo basi hakikisha unatufuatilia.
Vyanzo: Asus, GSMArena
No Comment! Be the first one.