Tufahamu ya muhimu kuhusu simu janja Motorola Moto E20

Motorola ni kampuni ambayo imekuwa kwenye ulingo wa biashara kwa miaka mingi sasa na tumeshaweza kuona, kutumia simu janja mbalimbali ambazo wamekuwa wakizileta sokoni na sasa kuna hii nyingine Moto E20.

Katika siku za usoni tutegemee ingizo jipya kwa maana ya simu janja Motorola Moto E20 ambayo mpaka sasa zile sifa muhimu ambazo watu huziangalia pindi wanapotaka kununua rununu zimeshafahamika ingawa bidhaa yenyewe bado haijazinduliwa. Sifa hizo ni kama zinavyosomeka hapo chini:

Kioo

Kioo cha kwenye simu hii kinaelezwa na cha urefu wa inchi 6.5 ambacho hakina ung’avu unavutia sana; ni vile ambavyo iwapo utaangalia kitu kwenye simu kwa pembeni hakionekani vizuri.

Kamera|Betri

Simu hii ina kamera mbili nyuma na moja mbele ambazo ile kuu kuna MP 13 pamoja na MP 2 halikadhalika taa ya kuongeza muonekano mzuri wa picha/video. Kamera ya mbele ina MP 5, betri yake ina 4000mAh lakini pia inaelezwa kuwa na uwezo wa kuingia chaji kwa haraka nguvu yake ni 10W.

Memori na Mengineyo

Kwa mujibu wa vyanzo mbalimbali simu hii ina GB 2 kwenye RAM, GB 32 ya diski uhifadhi lakini pia uwezekano wa kuweka memori ya ziada ingawa haijafahamika ukono wake. Mbali na simu hii Moto E30 nayo pia inatengenezwa.

Sifa nyinginezo za muhimu bado hazijafahamika lakini tutaileta mbele ya macho yenu mara baada ya kuzinduliwa. Tukusihi kuendelea kutufuatilia kila mara tarehe inapobadilika.

Vyanzo: GSMArena, Gizmochina