Toleo jipya la Nokia 6 limetoka

HMD Global wamedhamiria kabisa kuirudisha kwenye ramani ya ushindani wa kibiashara Nokia na tangu kununuliwa kutoka kwa mmiliki wake wa zamani, Nokia imekuwa ikirudisha heshima yake iliyokuwa nayo zaidi ya muongo mmoja uliopita.

Nokia 6.1 ndio toleo jipya la simu janja iliyoka huku mtangulizi wake akiwa Nokia 6. Simu hii inaitwa kwa jina rahisi, “Nokia 6 4GB” sababu ikwa ni kuwa na RAM ya 4GB huku lile toleo lililopita ikiwa na RAM GB 3. Tofauti kati ya Nokia 6 na Nokia 6.1 ni kwenye RAM na diski uhifadhi tu.

Nokia 6 na 6.1 2018 zote zipo tayari kwa mauzo lakini na hiyo kufanya wapenzi wa simu za Nokia kuwa na wakati mzuri wa kuchagua simu ipi wanunue kati ya hizo mbili. Zifuatazo ni sifa za Nokia 6 2018 4GB:-

 >Ukubwa na ubora wa kioo. Toleo jipya la Nokia 6 kwa mwaka 2018 ina kioo chenye ukubwa wa inchi 5.5; ubora wa picha ukiwa ni 1080×1920 pixels na aina ya kioo ni IPS LCD. Kioo cha kwenye simu hii kinaonyesha picha katika kiwango cha ubora wa hali ya huu.

>Prosesa/Programu endeshaji. Hapa prosesa ni ile ambayo itakufanya ufurahie simu yako kwani itakuwa na kasi; prosesa ninayoizungumzia ni Octa-core Qualcomm Snapdragon 630 SoC kasi yake ikiwa ni 2.2GHz na programu endeshaji ni Android 8.1  Oreo lakini ikwa kwenye mpango wa kupokea sasisho la programu endeshi mpya ya Android One.

>Uwezo wa betri/Diski uhifadhi. Betri ya kwenye Nokia 6.1 ina 3000mAh (ambalo halitoki) kitu ambacho kinaifanya simu hii kuweza kukaa na chaji muda mrefu kutokana na kuw na nguvu kubwa pia ina teknolojia ya kuchaji haraka. Diski uhifadhi ni GB 32 au 64 lakini pia ikiwa na sehemu ya kuweka memori kadi ya mpaka GB 128.

Nokia 6.1 ya GB 3 za RAM+32GB ya diski uhifadhi ni $253|Tsh. 569,250 na ile yenye GB 4 za RAM pamoja na GB 64 za diski uhifadhi ni $282|Tsh. 634,500.

Vyanzo: The Indian Express, GSMArena, Gadgets 360