TikTok Na Uwezo Wa Kupunguza Muda Wa Kutumia App Hiyo!

Kama ilivyo mitandao mingi tuu ya kijamii, TikTok nayo ilizoeleka kwa kuwa na maudhui mengi ambayo hayaishi.

Hii inamaanisha kuwa hata muda mwingi ulikua unatumika kwa watumiaji wa mtandao huu cha msingi ni kuwa na mtandao wa intaneti (bando).

Kumbuka kwa TikTok ilikua ni jambo zuri sana maana kampuni ilikua inafanya watu wabaki muda mrefu katika App hiyo.

Kwa sasa wamekuja na kipengele kipya ambacho kitaweza kuwasaidia watumiaji wa mtandao/app hiyo ili kuhakikisha unapangilia muda wako vizuri.

Mtandao wa TikTok kupitia app yake ni kwamba itakua na uwezo wa kuonyesha muda timilifu na pia hata kuweka uwezo wa kukumbushwa ili utoke nje ya mtandao huo kidogo.

Ni jambo zuri kwani mitandao kama hii huwa ina uraibu (addiction) juu yake, kwa kufanya hivi itasaidia sana watu kutoka katika mtandao na kuweza kufanya mambo mengine.

Kipengele hichi kwa sasa kuna mapumziko ya aina tatu yaaani dakika 10,20 au 30. Hapo utaweza kuchagua mwenyewe aina unayoitaka.

Kingine ni kwamba kama unaona muda huo uko nje ya matakwa yako basi utakua na uwezo wa kuweka muda wako mwenyewe kwa mfano kama muda ni saa 8:05 na unataka kuacha kutumia mtandao huo saa 8:30 hapo unaweza weka muda wa mapumziko kuwa dakika 25.

Ili kutumia kipengele hichi cha kwanza ni kuhakikisha kuwa mtumiaji ana toleo jipya kabisa la App hii. Kingine kinachotakiwa ni kufungua App hiyo na kuingia katika profile.

Ingia katika eneo la ‘settings and privacy’ kisha ingia katika eneo la ‘digital wellbeing menu’ ambayo unalipata katika ‘content &activity’.

Mpaka sasa nadhani utakuwa una uwezo wa kuwezesha kufanya jambo hilo mwenyewe,.. TikTok inasema dhima kubwa ya kuleta kipengele hichi ni katika jitiahada ya kuwakumbusha watu kuchukua likozo kidogo katika mtandao huo.

Ninadikie hapo chini katika eneo la comment, hii umeipokeaje je unahisi kwamba ni jambo zuri kwa kampuni?

Kumbuka Kutembelea Mtandao Wako Wa TeknoKona Kila Siku, Kwani Daima Tupo Nawe Katika Teknolojia!.

Nifuate Kwenye Mitandao Yangu Ya Kijamii

  Instagram | Facebook | Twitter | LinkedIn